كوردستان ئاشكراى 101 تويشبوين وه‌ كۆرۆنا كرد له‌ ماوه‌ى يه‌ك رووژ له‌ سلێمانى

Category: هــــه‌واڵ كــوردى

Date: 2020-05-31T21:32:24+0000

شه‌فه‌ق نيوز/ وه‌زاره‌ت ته‌ندروستى له‌ هه‌رێم كوردستان، ئاشكراى تۆماركردن 101 حاڵه‌ت تويشبوين وه‌ ڤايرۆس كۆرۆنا كرد له‌شار سلێمانى، ئه‌ويش له‌ گه‌وراترين ئاماريگ رووژانه‌ له‌وه‌ختيگه‌و ڤايرۆسه‌گه‌ په‌يا بويه‌ له‌ ئادار گوزه‌يشت.

وه‌زاره‌ته‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز وت: وه‌گووره‌ى پرووسه‌يگ تايبه‌ت وشكانن وه‌ ڤايرۆس كۆرۆنا ته‌شخيس 101 حاڵه‌ت تويشبوين له‌ سلێمانى كرياگه‌ ئه‌را ژن و پياگ و جايه‌ڵ جوانه‌يل له‌ كوڕ و دويه‌ت له‌ ته‌مه‌نه‌يل جياجيا، ك شه‌ش له‌ليان وه‌ركه‌فته‌ى حاڵه‌ته‌يل وه‌رين بوينه‌و دوانيش له‌ليان سابقه‌ داشتنه‌ له‌ گه‌شتكردن و 93 حاڵه‌تيش نيشانه‌يل په‌تاگه‌ له‌ليان ده‌ركه‌فتگه‌.

به‌ياننامه‌گه‌ وت: ئه‌و حاڵه‌ته‌يل تويشبوينه‌ وه‌ى جووره‌ دابه‌ش بوينه‌:

51 حاڵه‌ت ئه‌را كه‌سه‌يليگ له‌ خه‌ڵك قه‌زاى پێنجوێن، 3 حاڵه‌ت له‌ شار وارماوه‌، يه‌ك كه‌س له‌ كه‌لار، يه‌ك كه‌س له‌ قه‌زاى كفرى، حاڵه‌تيگ له‌ خانه‌قين، حاڵه‌تيگ له‌ هه‌ڵه‌بجه‌، يه‌كيگ نيشته‌جێ شار به‌غدا.