2019-03-07 07:55:00

شه‌فه‌ق نيوز/ وه‌ڕه‌ويه‌به‌ر نويسينگه‌ى قورتاركردن رفياگه‌يل ئێزيدى، ئاشكراى ئازادكردن دو مناڵ و ئافره‌تيگ و دويه‌ته‌گه‌ێ له‌ كورده‌يل ئێزيدى له‌ژير ده‌سڵات ريكخرياگ تيرۆريستى داعش كرد.

 

له‌ى باوه‌ته‌و، قائيدى له‌ به‌ياننامه‌يگ وت: كارمه‌نده‌يل له‌ نويسينگه‌ى قورتاركردن رفياگه‌يل تويه‌نستنه‌ دو مناڵ وه‌ناوه‌يل(ئه‌يمه‌ن خه‌ليل حه‌جى له‌ شار شه‌نگاڵ 13 ساڵان) و ( مووسا هادى شوكر له‌ ته‌ل عه‌زيز 16 ساڵان)دوياى رفاننيان له‌ 3ى ئاب 2014 قورتار بكه‌ن.

 

جى باسه‌، قائيدى هه‌ميش وت: كارمه‌نده‌يل تويه‌نستنه‌ ئافره‌تيگ ئێزيدى و دويه‌ته‌گه‌يشى له‌ژير ده‌سڵات ريكخرياگ تيرۆريستى داعش قورتار بكه‌ن له‌ هه‌مان رووژ.

YesIraq