2019-06-02 19:57:11

شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل, ئاشكراى ئه‌وه‌ كرد حكومه‌ته‌گه‌ى مووچه‌ى كارمه‌نده‌يل هه‌رێم كوردستان ناوڕێد، ك يه‌يش له‌سه‌رده‌م حكومه‌ته‌يل وه‌رين ئه‌و بڕينه‌ جێوه‌جێ كريا.

 

عه‌بدولمه‌هدى له‌ كۆنگره‌يگ رووژنامه‌گه‌رى له‌ دوياى دانيشتن ئه‌نجومه‌ن وه‌زيره‌يل، وت: هه‌رێم كوردستان يه‌ك به‌رميل نه‌فت ته‌سليم وه‌ حكومه‌ت ناوه‌ندى نه‌كردگه‌ جوور ئه‌وه‌گ له‌ به‌نده‌يل بودجه‌ هاتگه‌.

 

جى باسه‌، سه‌رۆك وه‌زيره‌يل عراق هه‌ميش وت: هه‌رچه‌نى حكومه‌ت هه‌رێم نه‌فتيش ته‌سليم وه‌ حكومه‌ت ناوه‌ندى نه‌كردگه‌، وه‌لێ وه‌ل ئه‌وه‌يشا حكومه‌ت مووچه‌ى كارمه‌نده‌يل هه‌رێم كوردستان ناوڕێد.

}