2015-08-08 12:08:02

له‌ى باوه‌تيشه‌و، له‌ په‌ياميگ ك ناو فيشتر له‌ 40 فه‌رمانده‌ى پێشمه‌رگه‌ له‌تى هاتگه‌، داوا له‌ لايه‌نه‌يل سياسى ئه‌كه‌ن گله‌و بخوه‌ن ئه‌را بان مێز گفتگوو و دوير له‌ مه‌رام حزبايه‌تى گام بنه‌ن له‌وه‌ر خاتر چاره‌سه‌ركردن كيشه‌يل.

جى باسه‌، ئه‌و فه‌رمانده‌يل پێشمه‌رگه‌ ك شماره‌يان 42 كه‌سه‌ پيكهاتنه‌ له‌ زوورم حزبه‌يل هه‌رێم و ئاماژه‌ وه‌ ئه‌وه‌يش ئه‌كه‌ن ك ساڵيگ وه‌رجه‌ ئيسه‌ كه‌س له‌ ماڵ و چاره‌نويس خوه‌ى دڵنيا نه‌وى، وه‌لى هيز پێشمه‌رگه‌ مقه‌يه‌تى وڵات كرد و ره‌سيمنه‌ ئمڕوو، هه‌ر له‌وه‌ر ئه‌وه‌يش ئاكامه‌يل خراو ئى باره‌ كاريگه‌رى ديرێد له‌بان مه‌ردم هه‌رێم كوردستان، يه‌يش له‌وه‌ختيگ ك ئه‌را ماوه‌ى چه‌ن هه‌فته‌يگه‌ لايه‌نه‌يل سياسى له‌بان مه‌سه‌له‌ى سه‌رۆكايه‌تى خه‌ريك گفتگووكردن و دانيشتنن و تائيسه‌يش نه‌ڕه‌سينه‌سه‌ ريككه‌فتن.

}