2019-01-05 07:17:00

شه‌فه‌ق نيوز/ ته‌نيا وه‌ل ئه‌وه‌گ دۆناڵد تره‌مپ سه‌رۆك ئه‌مريكا خواستى ئه‌را كيشاننه‌وه‌ى ته‌واو هيزه‌يلێ له‌ سوريا ئاشكرا كرد، دى سه‌ركرده‌يل كورد سوريا په‌يوه‌نديه‌يليان فريه‌وه‌ كردن وه‌ل زياتر له‌ لايه‌نيگ و له‌وانه‌يش، سيبان حه‌مو سه‌ركرده‌ى يه‌كه‌ينه‌يل پاسه‌وان ملله‌ت كورد وه‌ سه‌رۆكايه‌تى شانديگ باڵا سه‌ردانيگ نهێنى ئه‌نجامدا ئه‌را بنگه‌ى حه‌ميميم و ديمه‌شق و مۆسكۆ ئه‌راوه‌رگرتن زه‌مانه‌ته‌يل رووسى له‌وه‌ر ريكخستن سه‌ربازێ و ئدارى و له‌ناونيانيش راده‌سكردن مه‌رزه‌يل سوورى وه‌ ديمه‌شق ئه‌را ئه‌وه‌گ رێ له‌ توركيا بووڕێد.

 

له‌لايگ تريشه‌و، ئداره‌ى ئه‌مريكى هه‌ڵه‌په‌ڵه‌ له‌ په‌يوه‌نديه‌يل سه‌ربازێ و سياسيى ئه‌كا ئه‌را كۆنترۆڵكردن ته‌بڵ ريكخستن مه‌سه‌له‌ێ ده‌رچگنى له‌ سوريا، يه‌يش وه‌ ريككه‌فت وه‌ل گه‌شت مايگ په‌مپيۆ وه‌زير خارجيه‌ى ئه‌مريكى ئه‌را خوه‌رهه‌ڵات ناوين.

 

جى باسه‌، وه‌گووره‌ى زانياريه‌يل، ئه‌وه‌ ده‌ركه‌فتگه‌ ك مۆسكۆ هه‌وڵ نيشانداين رۆڵ خوه‌ێ ئه‌ياد ئه‌را ره‌سين وه‌ ريكخستنه‌يل په‌سه‌نيگ له‌ناونى توركيا و كورد وه‌ ئاگادارێ ديمه‌شق و ريككه‌فتنيگيش وه‌ل واشنتۆن و شاند كورديش جه‌خت له‌بان راده‌سكردن گشت مه‌رزه‌يل سوورى كرد ئه‌را ديمه‌شق له‌وه‌ر نواگيرى له‌ هه‌وڵه‌يل توركى، ك له‌يران فكره‌ى داناين شريتيگ ئه‌منى له‌ناو مه‌رزه‌يل سوورى وه‌ل توركيا خريا روێ و شاند توركيايش باس له‌و خه‌ت شريتيه‌ كرد وه‌ قويلايى 20 - 30 كيلۆمه‌تر، وه‌رانوه‌ر قه‌بولكردن روسيا ئه‌را قويلايه‌ ناونى 5و10 كيلۆمه‌تر.

YesIraq