شاند حکومەت هەرێم کوردستان لە هەفتەی ئاینده‌ سەردان بەغداد کەێد

Category: هــــه‌واڵ كــوردى

Date: 2020-06-17T19:19:45+0000

شەفەق نیوز/ ئەنجومەن وەزیرەیل هەرێم کوردستان، ئمڕوو چوارشەممە، دانیشتنە ئاسایەگەی بەسا وە سه‌رۆکایەتی مەسرور بەرزانی سەرۆک حکومەتەگە و وەهاوبەشی قوباد تاڵەبانی جیگری، ئەویش لە ری سیستم ڤیدیۆ کۆنفرانس.
بیاننامەیگ لەحکومەتەگە دەرچگ ک رەسیە ئاژانس شەفەق نیوز وت: لە پێشەکی کۆبونەوەگە باس کریا لەباوەت رێکخستن خەرج وەگورەی رەوشەگەی ئیسە، وتوانا داراییەگان ک هانە وەردەس وەزارەت دارایی وئابووری، وەگورەی میکانزم دابین کردن ماف گشت ئەوانەگ مووچە لە حکومەت وەرگرن.
بەیاننامەگە هەمیش وت: ئەنجومەن وەزیەرەیل جەخت کردە بان وەردەوامی لە کەمەوکردن مووچەی خانەنشینەیل خاوەن پلە بەرزەگان، لەوه‌ر رووشنایی بڕیارەیل کۆبونەوەیل وەرین، وەمەرج وەردەوامبوین کۆبونەوەگان ئی باوەتە تا یەکشەممەی هاتگ.
بەیاننامەگە وتیش؛ ئەنجومەنەگە بریار دریژەوکردن دەرفەتەگە کرد ک لە پەی خوەی ١٥% لە قەرزەیل بان کۆمپانیەگان لە پویل ئاو وکەهرەبا وەخشان ، تا ١ ئەیلول هاتگ، دویای تەواوبوین یەکەمین دەرفەت لە ناوڕاس ئی مانگە.
بەیاننامەگە هەمیش وت: ئەنجومەن وەزیرەیل باس لە شیوەی گفتوگۆەیل وەل حکومەت فیدڕاڵی کرد ، وبریار دریا شاند حکومەت هەرێم لە هەفتەی ئاینده‌ بچوود ئەرا بەغداد، ئەرا گشەداین وه‌و رەسینە هاوبەشه‌یەله‌ ک لە وەختیگ وەرین هەردوگلا لەبانی رێککەفتن ، ئەرا دابینکردن ماف وشایستەیل دارایی هەرێمەگە وه‌گویره‌ی پابەندیە دستوریەگان.