2019-05-09 19:26:44

شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، وه‌ل شانديگ باڵا له‌ وه‌زاره‌ت خارجيه‌ى ئه‌مريكى باس له‌ بارودوخ سياسى له‌ عراق و ناوچه‌گه‌ كردن.

 

له‌ى باوه‌ته‌و، ماڵپه‌ڕ فه‌رمى بارزانى له‌ به‌ياننامه‌يگ ك شه‌فه‌ق نيوز ئاگادارێ بوێ وت: بارزانى له‌ هه‌وارگه‌ى سه‌ڵاحه‌دين له‌ هه‌وڵێر پيشوازى كردگه‌ له‌ شانديگ باڵا له‌ وه‌زاره‌ت خارجيه‌ى ئه‌مريكى ك پيكهاتگه‌ له‌ هه‌ر يه‌ك له‌ ديڤێد ساترفێڵد جيگر وه‌زير خارجيه‌ى ئه‌مريكى ئه‌را كاروبار خوه‌رهه‌ڵات ناوين وه‌ وه‌كاله‌ت و جوى هوود جيگر باڵيۆز ئه‌مريكا له‌ عراق و ستيف فيكن كۆنسوڵ ئه‌مريكى له‌ هه‌ولێر و جه‌نراڵ باوڵ لاكاريما وه‌رپرس پرووسه‌يل سه‌ربازى دژ داعش.

 

به‌ياننامه‌گه‌ ئاماژه‌ وه‌ ئه‌وه‌ كرد شاند ئه‌مريكى له‌و ديداره‌ سڵام تايبه‌تيگ له‌ مايك په‌مپيۆ وه‌زير خارجيه‌ى ئه‌مريكى ره‌ساننه‌سه‌ بارزانى و باس له‌ بارودوخ سياسى له‌ عراق و ناوچه‌گه‌ كرياگه‌و يه‌يش ده‌رخست ك شاند ميوان جه‌خت له‌بان ئه‌وه‌ كردنه‌ ك خاسه‌وبوين په‌يوه‌نديه‌يل ناونى هه‌رێم و به‌غدا له‌ به‌رژه‌وه‌ندى هه‌ردوگلاس.

YesIraq
}