سۆران.. مناڵيگ شيره‌خوه‌ر له‌ناو بنيايه‌يگ دوينرياوه‌

Category: هــــه‌واڵ كــوردى

Date: 2020-02-29T10:26:50+0000
سۆران.. مناڵيگ شيره‌خوه‌ر له‌ناو بنيايه‌يگ دوينرياوه‌

شه‌فه‌ق نيوز/ سه‌رچه‌وه‌يگ پزيشكى وه‌رپرس ئاشكراى ئه‌وه‌ كرد هيزه‌يل ئاسايش مناڵيگ شيره‌خوه‌ر دينه‌سه‌و له‌ناو بنايه‌يگ ته‌واونه‌كرياێ له‌ قه‌زاى سۆران له‌ پاريزگاى هه‌ولێر.

سه‌رچه‌وه‌گه‌ ئه‌را شه‌فه‌ق نيوز وت: دويه‌كه‌ ئيواره‌ ئاسايش له‌ گه‌ڕه‌ك "ئازادى" له‌ قه‌زاى سۆران مناڵيگ شيره‌خوه‌ى ديه‌سه‌و ك فڕه‌ درياوێده‌ ناو بنايه‌يگ ته‌واو نه‌كرياێ.

سه‌رچه‌وه‌گه‌ هه‌ميش وت: چه‌ن مناڵيگ ك وازى كرديان له‌ نزيك بنايه‌گه‌ ده‌نگ گيرستن مناڵيگ شيره‌خوه‌ر ژنه‌فتنه‌و خه‌وه‌ر دانه‌سه‌ كه‌س وكاريان تا ئاسايش له‌لى ئاگاداره‌و بكه‌ن، ئاماژه‌ وه‌يه‌يش كرد مناڵه‌گه‌ جيواز كرياگه‌ ئه‌را نه‌خوه‌شخانه‌ى له‌دايگبوين له‌ قه‌زاگه‌و ئيسه‌يش ته‌ندروستيى خاسه‌.

related