2019-10-14 19:16:14

شه‌فه‌ق نيوز/ ليندسى گراهام سيناتۆر كۆمارى ئه‌مريكى جه‌خت له‌ پشتگيرى نانسى بيلۆسى سه‌رۆك ئه‌نجومه‌ن نوێنه‌ره‌يل كرد له‌ خواست چه‌سپانن سزا له‌بان توركيا وه‌بوونه‌ى ئه‌نجامداين په‌لاماره‌يلێ ئه‌را بان خوه‌رئاواى كوردستان و باكوور سوريا.

 

گراهام له‌ لاپه‌ڕه‌ى تايبه‌ت خوه‌ى له‌ تويته‌ر نويساگه‌: قسه‌ وه‌ل بيلۆسى كردمه‌ له‌باره‌ى جموجويلكردن كۆنگرس له‌باره‌ى په‌لاماره‌يل توركيا له‌ سوريا و ئه‌ويش پشتگيرى سزايه‌يل ناونى هه‌ردوگ حزب كردگه‌ دژ په‌لاماره‌يل توركى له‌ سورياو باوه‌ڕيشى ئه‌وه‌ بويه‌ ك بايه‌سه‌ له‌بانمان پشتگيرى كورده‌يل هاوپه‌يمانمان بكه‌يم و فريه‌يش نيگه‌رانه‌ له‌ ئه‌گه‌ره‌يل ده‌ركه‌فتنه‌وه‌ى داعش.

 

گراهام هه‌ميش نويساگه‌: له‌ڕێ هێڵه‌يل حزبييه‌وه‌ وه‌ شيوازيگ جيا كار ئه‌كه‌م له‌ ئه‌نجومه‌ن ئه‌را جاناين سزايه‌يل و جموجويلكردن وه‌په‌له‌يگ و رێزيش له‌ ئاماده‌يى دۆناڵد تره‌مپ سه‌رۆك ده‌رخست ئه‌را كار وه‌ل كۆنگرس.

FaceIraq
}