2019-06-24 19:39:22

شه‌فه‌ق نيوز/ ماسيو تيوله‌ر باڵيۆز وڵاته‌يل يه‌كگرتگ ئه‌مريكى له‌عراق و ئه‌ندرۆ بيك باريده‌ده‌ر وه‌زير خارجيه‌ى ئه‌مريكى ئه‌را كاروبار عراق و ئيران و شانده‌يل ياوه‌ريان، جه‌خت له‌ په‌يوه‌نديه‌يل ئه‌مريكا وه‌ل عراق و هه‌رێم كوردستان كردن له‌گشت بواره‌يل و خوه‌يشاڵى خوه‌يانيش ده‌رخستن ئه‌را په‌يوه‌نديه‌يل ئيسه‌ى ناونى هه‌ولێر و به‌غداو ئاماده‌كارى وڵاته‌گه‌يان ئه‌را پيشكه‌شكردن ده‌سميه‌ت له‌وه‌ر خاتر چاره‌سه‌ركردن كيشه‌يل له‌ڕێ گفتگوو.

 

لاى خوه‌يه‌و نێچيروان بارزانى سه‌رۆك هه‌رێم كوردستان ستايش ده‌سميه‌ته‌يل ئه‌مريكا كرد له‌ قوناغويل سه‌خت و جه‌خت له‌بان په‌يوه‌نديه‌يل دولايه‌نى كرد و سه‌ردان شاند غورفه‌ى بازرگانى ئه‌مريكايش ئه‌را هه‌رێم و ئمزاكردن ياداشتيگ له‌يه‌كڕه‌سينه‌وه‌ وه‌ل غورفه‌ى بازرگانى و پيشه‌سازى له‌ هه‌رێم كوردستان به‌رز نرخان.

 

بارزانى باس له‌وه‌يش كرد كۆمپانيايه‌يل ئه‌مريكى ئه‌تويه‌نێد سوود له‌ هه‌رێم كوردستان وه‌ربگرن جوور ده‌روازه‌يگ ئه‌را ره‌سين وه‌گشت عراق و كورته‌يگيش له‌باره‌ى سه‌ردانه‌گه‌ى ئى دوياخريه‌ ئه‌را به‌غدايش باسكرد و ئاماده‌گى خوه‌يشى ده‌رخست ئه‌را چاره‌سه‌ر كيشه‌يل ناونى هه‌ولێر و به‌غدا له‌بان بنه‌ماى ده‌ستوور.

FaceIraq
}