2019-10-22 08:38:41

شه‌فه‌ق نيوز/ سه‌رۆكايه‌تى هه‌رێم كوردستان وت: خوه‌يكيشانه‌وه‌ى ئه‌مريكا له‌ سوريا بڕياريگ ناوه‌جييه‌، وه‌لێ جه‌ختيش له‌وه‌ كرد ك هه‌رێم ريز له‌ رۆڵ مێژوويى ئه‌مريكى گرێد له‌ مقه‌يه‌تيكردنى.

 

سه‌رۆكايه‌تى هه‌رێم له‌ به‌ياننامه‌يگ وت: هيزه‌يل هاوپه‌يمان ناوده‌وڵه‌تى وه‌ سه‌رۆكايه‌تى وڵاته‌يل يه‌كگرتگ ئه‌مريكى رۆڵ سه‌ره‌كى داشتنه‌ له‌ پاسه‌وانيكردن و ده‌سميه‌تداين هاووڵايه‌يل هه‌رێم كوردستان، هه‌ر له‌ سه‌ره‌تاى چه‌سپانن دژه‌ فڕين له‌ ساڵ 1991 تا رميان رژيم به‌عس له‌ 2003 و راوناين ريكخرياگ تيرۆريستى داعش له‌ى ساڵه‌يل دوياخره‌.

 

به‌ياننامه‌گه‌ وت: هيزه‌يل هاوپه‌يمان شان وه‌شان هيزه‌يل پێشمه‌رگه‌ى كوردستان قوربانى دا و وه‌رگرى له‌ هه‌رێم كوردستان كرد، هه‌ر وه‌و خاتريشه‌ بايه‌سه‌ رۆڵ و خه‌بات هاوپه‌يمان له‌ هويره‌و نه‌وه‌يم، وه‌تايبه‌ت سوپاى ئه‌مريكاو بايه‌سه‌ بڕيار سياسى تيكه‌ڵ وه‌ بڕيار ناوه‌جێ نه‌كه‌يم و له‌ هه‌مان وه‌خت هه‌رێم كوردستان ريز و سوپاسپگوزارى ديرێد ئه‌را هيزه‌يل هاوپه‌يمان ناوده‌وڵه‌تى و سوپاى ئه‌مريكى و ئه‌و خه‌بات و قوربانيه‌يليانه‌ به‌رز نرخنێد.

FaceIraq
}