2018-09-20 08:58:00

شه‌فه‌ق نيوز/ رووژنامه‌ى شه‌رقولئه‌وسه‌ت له‌نده‌نى ئاشكراى كرد و وت: كانديد يه‌كێتى نيشتمانى كوردستان ئه‌را سه‌رۆكايه‌تى كۆمار عراق زويتر چه‌وێ كه‌فته‌سه‌ مه‌سعود بارزانى سه‌رۆك پارت ديموكرات كوردستان.

 

رووژنامه‌گه‌ له‌ شماره‌ى ئمڕووى له‌ زووان سه‌رچه‌وه‌يگ ئاگادار له‌ پارت ديموكرات وت: به‌رهه‌م ساڵح دوجار چه‌وى كه‌فته‌سه‌ بارزانى دوير له‌ هووكاره‌يل ره‌سانن و سه‌ركه‌فتگ بويه‌ له‌ وه‌ده‌سهاوردن ره‌زامه‌نيى له‌باره‌ى كانديدكردنى ئه‌را سه‌رۆكايه‌تى عراق.

 

جى باسه‌، وه‌ گووره‌ى رووژنامه‌گه‌، سه‌رچه‌وه‌گه‌ ئه‌وه‌ ده‌رخست ك پارت ديموكرات كوردستان باس ئه‌راى كردگه‌ ك ره‌زامه‌نيى نيشان ئه‌ياد له‌بان كانديدكردن ساڵح ئه‌را سه‌رۆكايه‌تى عراق له‌ ماوه‌ى رووژيگ يا دو رووژ تر، جوور ئه‌وه‌گ رووژنامه‌گه‌ ئاشكراى كرد.

YesIraq