سلێمانی چوار حاڵەت مردن وە ڤایڕۆس کۆڕۆنا تۆمار کەێد

Category: هــــه‌واڵ كــوردى

Date: 2020-06-13T13:18:15+0000

شەفەق نیوز/ فەرمانگەی تەندروسی سلێمانی لە هەرێم کوردستان، ئمڕو شەممە، راگەیان چوار مردگ وە ڤایڕۆس کۆڕۆنا لە پارێزگاگە تۆمار كردن.
عەبدوڵا ئەحمەد جیگر وەڕیەوبەر گشتی تەندروسی سلێمانی، لە قسەی رۆژنامەوانی ک رەسیە ئاژانس شەفەق نیوز وت؛ پارێزگاگە ئمڕوو چوار حاڵەت مردن وە ڤایڕۆس کۆڕۆنا تۆمارکرد، ودیاری کرد ک تووشهاتگیل دویای وەرگردن چارەسەری ئەرا چەن روژیگ لە خەسەخانە ، کۆچ دویایی کردن.
ئەحمەد دیاری کرد ک مردگەیل یەک ژن وسێ پاون تەمەنیان ناونی ٦٠ تا ٧٠ ساڵانە.
وەزارەت تەندروسی لە هەرێم کوردستان عراق، دویەکە جومعە، راگەیان ك ١١٢ تووشهاتگ نوو وە ڤایڕۆس کۆڕۆنا تۆمار كردن لە گشت هەرێمەگە، ٧٨ كه‌س لەلیان هن سلێمانی بوین.