دوو مردگ نوو وە کۆڕۆنا لە هەرێم کوردستان

Category: هــــه‌واڵ كــوردى

Date: 2020-06-21T12:59:03+0000
دوو مردگ نوو وە کۆڕۆنا لە هەرێم کوردستان

شەفەق نیوز/ وەڕیەوبەرایەتی ناوچەی گەرمیان و پارێزگای سلێمانی، ئمڕوو یەکشەممە، دوو مردن نوو وە ڤایڕۆس کۆڕۆنا تۆمار کردن لە ماوەی چەن ساعەتیگ وەرین.
سەرچەوەیگ پزشکی وەرپرس لە وەزارەت تەندروست هەرێم ئەرا ئاژانس شەفەق نیوز وت: ژنیگ لە تەمەن ٤٣ ساڵان خەڵک قەزای کفری سەروە ناوچەی گەرمیان گیانی لەدەسدا دویای سەختی تەندروسیی لەوەر تووشهاتنی وە ڤایڕۆس کۆڕۆنا.
سەرچەوەگە هەمیش وت: پیاویگ لە تەمەن ٥٥ ساڵان خەڵک قەزای سەید سادق لەوەر خراوبوین رەوش تەندروسی ئمڕوو مرد.
وەزارەت تەندروسی لە حکومەت هەرێم کوردستان، روژ شەممە، مردن ٩ تووشهاتگ وە ڤایڕۆس کۆڕۆنا، وتۆمار کردن ٢٦٦ تووشهاتگ نوو وەپەتاگە لە ماوەی ٢٤ ساعەت وەرین راگەیان ك یه‌ بەرزترین رێژەی پەیمانەییه‌ لە وەخت دیارکەفتن بیماریەگە.

related