حكومه‌ت هه‌رێم كوردستان چه‌ن برياريگ له‌باره‌ى كه‌مه‌وكردن ده‌وام فه‌رمى ده‌رئه‌كا

Category: هــــه‌واڵ كــوردى

Date: 2020-03-08T19:47:25+0000

شه‌فه‌ق نيوز/ بڕياره‌ سوو دوشه‌ممه‌ ليژنه‌ى باڵاى حكومى ئه‌را روێ وه‌ڕوێ بوينه‌وه‌ى ڤايرۆس كۆرۆنا له‌ هه‌رێم كوردستان دانيشتنيگ ساز بكا له‌وه‌ر ده‌ركردن چه‌ن بڕياريگ ئه‌را ريگرى له‌ بڵاوبوينه‌وه‌ى ڤايرۆس كۆرۆنا.

 

له‌ى باوه‌ته‌و، رێبه‌ر ئه‌حمه‌د وه‌زير ناوخوه‌يى هه‌رێم له‌ كۆنگره‌يگ رووژنامه‌گه‌رى وت: ليژنه‌گه‌ سوو دوشه‌ممه‌ دانيشتنيگ ساز ئه‌كا و له‌تى هه‌وڵ ئه‌يه‌يم رينمايى و برياره‌يل تازه‌يگ ده‌ربكه‌يم  له‌چوارچيوه‌ى بته‌وكردن رێ وشوونه‌يل ته‌ندروستى له‌وه‌ر ريگرى له‌ بڵاوبوينه‌وه‌ى ڤايرۆس كۆرۆنا.

 

وه‌زيرى ناوخوه‌يى هه‌ميش وت: ليژنه‌گه‌ له‌و دانيشتنه‌ مه‌سه‌له‌ى كه‌مه‌وكردن ده‌وام فه‌رمى له‌ ده‌زگايه‌يل حكومى تاوتوێ ئه‌كاو ئاماژه‌ وه‌يه‌يش كرد رينماييش هه‌س ئه‌را ئاشكراكردن پشوو فه‌رمى دام و ده‌زگايه‌يل حكومى، وه‌لێ تائيسه‌ ئى مه‌سه‌له‌يشه‌ ته‌نيا هوير و ڕا وقسه‌كردنه‌و هويچ بڕياريگ فه‌مى له‌ى باوه‌ته‌و ده‌رنه‌چيه‌.