2019-01-08 06:55:00

شه‌فه‌ق نيوز/ هيزه‌يل سورياى ديموكرات وه‌ سه‌رۆكايه‌تى كورد، ئاشكراى ئه‌وه‌ كرد ك چه‌كداريگ خوه‌ى ته‌قانه‌سه‌وه‌و يه‌ك كه‌س مه‌ده‌نى كوشتگه‌و شماره‌يگيش زه‌خمدار كردگه‌.

 

له‌ى باوه‌تيشه‌و ريكخرياگ داعش ئه‌و خوه‌يكوشه‌ گرته‌ خوه‌ى ك دويه‌كه‌ خوه‌ى ته‌قانه‌سه‌و له‌ بنگه‌يگ سه‌ربازێ له‌ شار ڕقه‌ى سوورى ك ها ژير ده‌سڵات هيزه‌يل كورد و له‌لايه‌ن وڵاته‌يل يه‌كگرتگه‌و پشتگيرى ئه‌كريه‌ن.

 

جى باسه‌، هه‌رچه‌نى هيزه‌يل ديموكرات سوريا باس له‌ شوون ئه‌و په‌لاماره‌ نه‌كرد، وه‌لێ دووان له‌ خه‌ڵك ڕقه‌ وتن ئه‌و په‌لامار خوه‌يكوشيه‌ يه‌كيگ له‌ باره‌گايه‌يل ئه‌و هيزه‌ گرته‌سه‌ ئامانج و نزيكه‌ى 17 كه‌س كوشتگه‌و زه‌خمدار كردگه‌و خوه‌يكوشه‌گه‌يش ناسرياگه‌ وه‌ ئه‌بو عه‌بدوڵڵا شامى ك يه‌كه‌م جار چه‌ك وه‌كار هاوردگه‌و دوياخريش خوه‌ى ته‌قانه‌سه‌و.

YesIraq