2019-09-16 08:33:45

شه‌فه‌ق نيوز/ وه‌زاره‌ت پيشه‌سازێ و بازرگانى له‌ حكومه‌ت هه‌رێم كوردستان، ئاشكراى ئه‌وه‌ كرد حكومه‌ت ناوه‌ندێ هه‌قده‌س جفتياره‌يل هه‌رێم له‌باره‌ى به‌رهه‌م گه‌نم وه‌ ته‌واوێ له‌ كووتايى ئمساڵ ره‌وانه‌ ئه‌كا.

 

له‌و باوه‌ته‌و، فه‌تحى محه‌مه‌د قسه‌كه‌ر وه‌ناو وه‌زاره‌ته‌گه‌ له‌ لێدوانيگ رووژنامه‌گه‌رێ وت: وه‌زاره‌ت بازرگانى عراقى بڕ 51 مليار دينار ئه‌را جفتياره‌يل هه‌رێم ره‌وانه‌ كردگه‌و وه‌ل سه‌ره‌تاى دابه‌شكردن بڕ 17 مليار له‌لى درياسه‌ هه‌ر پاريزگايگ له‌ هه‌رێم.

 

محه‌مه‌د هه‌ميش وت: له‌ جه‌م ئه‌و پويل و هه‌قده‌س جفتياره‌يله‌ ك له‌لاى حكومه‌ت مه‌ندگه‌ ته‌نيا 25 مليار دينار مه‌ندگه‌و له‌ كووتايى ئمساڵ ئه‌و بڕه‌ پويليشه‌ وه‌ ته‌واوێ ره‌وانه‌ى هه‌رێم كوردستان ئه‌كريه‌ێد.

}