2019-05-25 18:18:07

شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، جه‌خت له‌وه‌ كرد يه‌كيگ له‌ يادوه‌ريه‌يل گه‌ورا له‌ مانگ ئايار، به‌رپابوين شۆڕش گۆڵان پيشكه‌فتنخواز بويه‌ ك وه‌رده‌واميده‌ر بوێ له‌ خه‌بات و قوربانيه‌يليگ ك ملله‌ت كوردستان پيشكه‌ش كردن دژ زوڵم و داگيركارى.

 

بارزانى له‌ به‌ياننامه‌يگ وه‌بوونه‌ى 43يه‌مين ساڵياد شۆڕش گۆڵان ئه‌را شه‌فه‌ق نيوز وت: ئى شۆرشه‌ قۆناغيگ گرنگ بوى له‌ قوربانيه‌يل پێشمه‌رگه‌و ملله‌ت كوردستان و په‌يام خوه‌ى ئاشكرا كرد وه‌ ئه‌وه‌گ پلان و خيانه‌ت و ئاگر و ئاسن ناتويه‌نێد بيده‌نگمان و ناچارمان بكا له‌بان ده‌سهه‌ڵگرتن له‌ داواى ئازادى و مافه‌يل ره‌وامان.

 

بارزانى ئاماژه‌ وه‌يه‌يش كرد ئه‌گه‌ر له‌ خه‌بات ملله‌ت كوردستان له‌ هه‌ر قۆناغيگ له‌ قوناغه‌يل وسيان يا كه‌مته‌رخه‌مييگ بوياتاد هويچ وه‌ختيگ مل وه‌ ملله‌ت كوردستان نه‌چه‌مانگه‌، به‌ڵكوو دژايه‌تى داگيركار كردگه‌ وه‌ ئيراده‌يگ پۆڵايين تا ره‌سين وه‌ داواكاريه‌يل ره‌واى له‌ڕێ شۆرش و قوربانيدان.

 

جى باسه‌، بارزانى وه‌ى بوونه‌وه‌ ده‌سخوه‌شى له‌ گشت خه‌باتكاره‌يل و پێشمه‌رگه‌يل قاره‌مان و ئه‌و نيشتمان په‌روه‌ره‌يله‌ كرد ك سه‌رچه‌مانن ره‌ته‌و كردن و شه‌كه‌تى و كووچ و كووچبار هه‌ڵوژانن و قوربانى پيشكه‌ش كردن.

YesIraq
}