2018-12-11 17:17:00

شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان و ريك بێرى وه‌زير وزه‌ى ئه‌مريكى، ئاشكراى ئه‌نجامه‌يل دانيشتنه‌گه‌يان كرد ك ساز كريا له‌ شار هه‌ولێر پايته‌خت هه‌رێم كوردستان.

 

بارزانى له‌ كۆنگره‌يگ رووژنامه‌گه‌رێ هاوبه‌ش وه‌ل بێرى وت: باس له‌ په‌يوه‌نديه‌يل ناونى هه‌رێم كوردستان و واشنتۆن و بڕيگ مه‌سه‌له‌يل تر گرنگ كرديمنه‌و له‌وانه‌يش په‌يوه‌نديه‌يل ناونى هه‌ولێر و به‌غدا و هه‌ولێر و واشنتۆن.

 

بارزانى وت: له‌و دانيشتنه‌ جه‌خت له‌ هه‌وڵه‌يل كرديمنه‌ ئه‌را چاره‌سه‌ر گشت كيشه‌يل ناونى حكومه‌ت كوردستان و حكومه‌ت ناوه‌ندێ.

 

لاى خوه‌ييشه‌و، وه‌زير وزه‌ى ئه‌مريكى وت: من خوه‌شاڵم له‌يرا له‌ هه‌ولێر و سوپاسگوزارى پيشكه‌ش وه‌ بارزانى ئه‌كه‌م ئه‌را پيشوازيكردن گه‌رمى و ئيمه‌يش دانيشتنيگ گرنگ ئه‌را تاوتوێكردن كيشه‌يل ناونى هه‌ولێر و به‌غدا ساز كرديم و گرنگ ئه‌وه‌سه‌ دانيشتن ناونى هه‌ولێر و به‌غدا سه‌ربكه‌فێد و گشت كيشه‌يل ناونيان چاره‌سه‌ر بدێ و باس له‌وه‌يش كرد ك ره‌سينه‌وه‌ له‌ مێژوو هووكاريگ گرنگه‌ ئه‌را ره‌سينه‌وه‌ له‌ ئاينده‌.

YesIraq