2015-07-27 07:30:19

بارزانى باس له‌وه‌ كرد ك نامه‌گه‌ى له‌وه‌ر ئه‌وه‌سه‌ ك بريگ شيه‌وكردن مه‌زاجى و دوير له‌ ڕاسى ئه‌كريه‌يد له‌باوه‌ت هه‌ڵويستم وئيسه‌يش جه‌نگ گه‌ورايگ له‌ناوچه‌گه‌ رويداگه‌و بايه‌سه‌ له‌بان هاوپه‌يمانه‌يل هه‌رێمى نه‌خش گرينگ نيشان بيه‌ن وه‌ل هاوپه‌يمان ناوده‌وڵه‌تى و ئيمه‌يش كيشه‌و جه‌نگ خزمه‌ت وه‌پيمان ناكاو بايه‌سه‌ له‌بان گشت لايه‌نه‌يل ناوچه‌گه‌ كار وه‌لمانا بكه‌ن ئه‌را له‌ناوبردن داعش و هه‌ر له‌وه‌ر ئه‌وه‌يش چه‌وه‌ڕى توركياو ئه‌مريكاى هاوپه‌يمان ئه‌كه‌يم ئه‌را له‌ناوبردن ئه‌و ريكخرياگ ترۆريستيه‌ جوور گاميگ گرينگ و بايه‌سه‌ له‌بانمان وه‌شيوه‌ى خاسيگ ته‌ماشاى ئى رويداگه‌يل بكه‌يم.

بارزانى هه‌ميش وت: من فريه‌ ناڕه‌حه‌تم له‌ى بار تازه‌ و ده‌ركه‌فتن باروود جاريگتر و منيش خوه‌شم له‌ جه‌نگ نايه‌يد و لايه‌نگرى جه‌نگيش ناكه‌م ئه‌گه‌ر ئه‌را ته‌نيا چركه‌يگيش بويه‌و هه‌ر له‌وه‌ر ئه‌وه‌يش پيشبينى فريه‌يگ له‌بان سياسه‌ت پارت كارگه‌ره‌يل ديرم وه‌تايبه‌ت ده‌خاڵه‌تكردنى له‌ كاروبار ناوخوه‌يى هه‌رێم كوردستان و به‌شه‌يل تر كوردستان و زاڵبوين ته‌ماميان له‌ رووژئاوا، وه‌لى گرينگ له‌لاى من مه‌سه‌له‌ى ملله‌ت كورده‌، چوينكه‌ كيشه‌ى ملله‌ت كورد وه‌ دروشم و جه‌نگ چاره‌سه‌ر نادێ و پشتگيرى منيش له‌ى مه‌سه‌له‌ ئه‌وه‌سه‌ ك داوا له‌ هه‌ردوگ لايه‌ن بكه‌م وه‌يه‌كه‌و گفتگوو ساز بكه‌ن و وه‌رده‌وام بوون له‌ گامه‌يل ئاشتيانه‌.

FaceIraq
}