2020-02-21 21:39:39

شه‌فه‌ق نيوز/ مه‌سعود بارزانى سه‌ركرده‌ى كورد، باس له‌ پلانه‌گه‌ى سه‌رۆك ئه‌مريكا ئه‌را ئاشتى له‌ناونى ئسرائيل و ده‌سڵات فلستينى كرد و وت: هه‌ر پرووژه‌يگ ئه‌را ئاشتى خاستره‌ له‌ پرووژه‌ى جه‌نگ.

 

بارزانى له‌ جواو پرسياريگ له‌ ديمانه‌يگ  وه‌ل "ئه‌ندبندنت" عه‌ره‌بى ك شه‌فه‌ق نيوز ئاگادارى بوى وت: ئايا په‌يوه‌ندى دامه‌زريه‌ێد وه‌ل ته‌ل ئه‌بيب مادام ئيمه‌ هيمان به‌شيگيم له‌ عراق، ئه‌گه‌ر ئسرائيل باڵيۆزخانه‌ى له‌ به‌غدا واز كرد ئه‌وه‌ كونسوڵخانه‌يش له‌ هه‌ولێر واز ئه‌كا و پيشوازى له‌لى ئه‌كه‌يم، وه‌لێ وه‌بى باڵيۆزخانه‌ له‌ به‌غدا نه‌بايه‌د په‌يوه‌ندى وه‌ل ئسرائيل دروس بكريه‌ێد.

 

بارزانى  وت: ئيمه‌ باوه‌ڕمان ئه‌وه‌سه‌ په‌يوه‌ندى وه‌ل ئسرائيل مه‌سه‌له‌يگ ئاساييه‌و بويه‌سه‌ راسييگ و هويچ كه‌سيگ ناتويه‌نێد فڕه‌ى بيه‌ێده‌ ده‌رياو باوه‌ڕميش ئه‌وه‌سه‌ زوورم ده‌وڵه‌ته‌يل عه‌ره‌بى له‌ حاڵ حازر په‌يوه‌ندى ديرن وه‌لياو يه‌يش ئاسايى و خاستره‌.

 

جى باسه‌، بارزانى له‌باره‌ى ريككه‌فتننامه‌ى سه‌ده‌يش وت: هه‌ر پرووژه‌يگ ئه‌را ئاشتى خاستره‌ له‌ پرووژه‌ى جه‌نگ، وه‌لێ مه‌زه‌نه‌كردنى و هاوسووزى وه‌ليا، ئه‌وه‌ كاريگ خاوه‌ن كاڵه‌و خوه‌ى خاستر له‌لى ئه‌زانێد.

}