2019-07-09 08:43:19

شه‌فه‌ق نيوز/ مه‌سرور بارزانى سه‌رۆك راسپارياگ ئه‌را دامه‌زرانن حكومه‌ت تازه‌ له‌ هه‌رێم كوردستان، بڕياريگ ده‌ركرد وه‌ دامه‌زرانن قسه‌كه‌ر تازه‌يگ ئه‌را سه‌رۆكايه‌تى حكومه‌ت تازه‌گه‌ى ك بڕياره‌ سوو چوارشه‌ممه‌ ده‌نگ له‌بانى بدريه‌ێد.

 

وه‌گووره‌ زانياريه‌يل، بارزانى بڕيار داگه‌ ته‌كليف جوتيار عادل بكا ئه‌را پۆست قسه‌كه‌ر فه‌رمى، وه‌لێ سه‌فين دزه‌يى قسه‌كه‌ر وه‌رين حكومه‌ته‌يل نه‌يچيروان بارزانى چيه‌ ده‌زگاى په‌يوه‌نديه‌يل خارجى.

 

بارزانى ته‌كليف نوره‌دين سه‌عيد وه‌يسى وه‌ڕيه‌وبه‌ر كه‌ناڵ ئاسمانى كوردستان24يش كرد ئه‌را پۆست وه‌رپرس نويسنگه‌ى ره‌سانن سه‌رۆك حكومه‌ت و ئه‌رك ئداره‌ى نويسينگه‌گيش سپارده‌ شه‌عبان جالى.

YesIraq
}