2019-02-18 07:44:00

شه‌فه‌ق نيوز/ دوياى سه‌ردانه‌گه‌ى شاند پاريزگاى هه‌ڵه‌بجه‌ له‌ هه‌رێم كوردستان ئه‌را ئيران وه‌ داوه‌تيگ فه‌رمى، دويه‌ ئيواره‌ ئه‌و شانده‌ هاتنه‌وه‌ ئه‌را هه‌رێم و قايمقام هه‌ڵه‌بجه‌يش ناوه‌ڕووك دانيشتنه‌يلێ وه‌ل وه‌رپرسه‌يل ئيراننى ئاشكرا كرد.

 

له‌ى باوه‌ته‌و، نه‌خشه‌ ساڵح قايمقام ناوه‌ند هه‌ڵه‌بجه‌ و ئه‌ندام ليژنه‌ى هه‌ڵه‌بجه‌ ئه‌را ئيران وت: شانده‌گه‌ سه‌ردان ئيران كردگه‌و چه‌ن دانيشتنيگ وه‌ل لايه‌ن ئيران ساز كردگه‌و تويه‌نستگه‌ ده‌سكه‌فته‌يل خاسيگ وه‌ده‌س بارێد له‌ به‌رژه‌وه‌ندى پاريزگاگه‌و مه‌ردمه‌گه‌ێ و هه‌ردوگ پاريزگاى كرماشان و سه‌نه‌ندج وه‌تايبه‌ت وه‌رده‌وامى هامشوو گه‌شتياره‌يل له‌ڕێ ده‌روازه‌يل پشته‌و شوشمێ ته‌وێڵه‌وه‌.

 

باس له‌وه‌يش كرد لايه‌ن ئيرانى بڕيار داگه‌ ديارييگ پيشكه‌ش وه‌ مه‌ردم هه‌ڵه‌بجه‌و ده‌ورگردى بكا، ك ئه‌ويش پيكهاتگه‌ له‌ هه‌ڵگرتن باج گومرگى له‌بان 250 كاڵا له‌ بواره‌يل خوارده‌مه‌نى و هه‌وه‌جه‌يل بنايه‌كردن و بواره‌يل تر تا وه‌خته‌يليگ تر و ئاماژه‌ وه‌يه‌يش كرد ك وه‌ى نزيكه‌يليشه‌ هامشوو گه‌شتيارێ له‌ هه‌ردوگ ده‌روازه‌ى ناوبرياگه‌و ده‌س وه‌پى ئه‌كا ك يه‌يش گرنگى فريه‌يگ ديرێد ئه‌را په‌ره‌داين وه‌ په‌يوه‌نديه‌يل ناونى هه‌ردوگلا.

YesIraq