2019-05-11 11:42:58

شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل داوا له‌و شاند عراقيه‌ كرد ك وه‌ سه‌رۆكايه‌تى وه‌زير خارجيه‌ سه‌ردان كوه‌يت ئه‌كا، وشدار بدێ له‌ سه‌رپيچى له‌باره‌ى رينمايه‌يل ليژنه‌ى په‌يجووريكه‌ر په‌رله‌مانى له‌باوه‌ت ريككه‌فتن خۆر عه‌بدوڵڵا.

 

نسه‌يف له‌ به‌ياننامه‌يگ ئه‌را شه‌فه‌ق نيوز وت: سه‌ردان چه‌ه‌وه‌ڕێكرياێ شاند حكومى عراقى ئه‌را كوه‌يت  وه‌ سه‌رۆكايه‌تى وه‌زير خارجيه‌ له‌وه‌ر تاووتوێكردن ريككه‌فتن خۆر عه‌بدوڵڵاى ناوه‌جێ و په‌يوه‌سكردن هێڵ ئاسنين چه‌واشه‌ى رينمايه‌يل ليژنه‌ى په‌يجووريكه‌ر په‌رله‌مانيه‌ له‌ خول وه‌رين له‌ ئه‌نجومه‌ن نوێنه‌ره‌يل دامه‌زريا وه‌گووره‌ى فه‌رمانى نوێنه‌رايه‌تى 77 له‌ ريككه‌فت 26/ 4/ 2017 و له‌تى ئسپات ئه‌وه‌ كريا ريككه‌فتن خۆر عه‌بدوڵڵا په‌يوه‌ندى وه‌ به‌نده‌ر موباره‌ك ديرێد له‌وه‌ر نه‌وين جموجويل ده‌ريايى كه‌شتيه‌يل كوه‌يتى له‌ خۆره‌گه‌، يه‌يش وه‌و مانا عراق زره‌دمه‌نه‌ له‌ى ريككه‌فتنه‌و دوياخريش بايه‌سه‌ كار وه‌و ريككه‌فتنه‌ بووسيه‌ێد.

 

جى باسه‌، نسه‌يف هه‌ميش وت: ليژنى په‌يجوريكه‌ر په‌رله‌مانى رينمايى داگه‌ ئه‌را به‌رزه‌وكردن شكايه‌تيگ دادوه‌رێ له‌باره‌ى ئى ريككه‌فتنه‌ وه‌ل په‌يوه‌س نه‌كردن هێڵ ئاسنين وه‌ل كوه‌يت، ك يه‌يش ماناى ئه‌وه‌سه‌ شاند عراقى ماف ئه‌وه‌ نه‌يرێد وه‌ل لايه‌ن كوه‌يتى له‌باره‌ى ئى مه‌سه‌له‌يله‌ قسه‌ بكه‌ن.

YesIraq
}