2019-02-12 14:43:00

شه‌فه‌ق نيوز/ سه‌رۆك ئه‌نجومه‌ن پاريزگاى نه‌ينه‌وا خوه‌شاڵى خوه‌ى ده‌رخست وه‌ هاتنه‌وه‌ى هيزه‌يل پێشمه‌رگه‌ ئه‌را ناوچه‌يل كيشه‌ له‌سه‌ر له‌ناونى هه‌وڵێر و به‌غدا.

 

له‌و باره‌وه‌ ماڵپه‌ر پارت ديموكرات كوردستان له‌ زووان سيدۆ جه‌تۆ سه‌رۆك ئه‌نجومه‌ن پاريزگاگه‌ وت: وه‌ گووره‌ى ريككه‌فاتن ناونى هه‌ردوگ وه‌زاره‌ت پێشمه‌رگه‌و وه‌رگرى عراقى، هيزه‌يل پێشمه‌رگه‌ گله‌و ئه‌خوه‌ن ئه‌را 15 يه‌كه‌ى ئدارى له‌ مه‌رزه‌يل پاريزگاى نه‌ينه‌وا ك مه‌خمور و هه‌ر چوار ناحيه‌يلى ئه‌گرێده‌و وه‌ل شێخان، زوممار، فايده‌، قووش، وانكى، شه‌نگاڵ، سنوونى، كر عه‌زيز و قه‌يره‌وان ك گشت ئه‌يانه‌ ئه‌كه‌فنه‌ وه‌ر مادده‌ى 140 و هيزيگ هاوبه‌شيش دامه‌زريه‌ێد ئه‌را بڵاوكردنه‌وه‌يان له‌ى ناوچه‌يله‌.

 

جه‌تۆ هه‌ميش وت: ئه‌و هيزه‌يل هاوبه‌شه‌ ك دامه‌زريه‌ێد مقه‌يه‌تى له‌ ئارامى ئه‌و ناوچه‌يله‌ ئه‌كه‌ن تا وه‌ختيگ كووتايى وه‌ جيوه‌جيكردن مادده‌ى 140 ده‌ستوورى و كيشه‌يلێ ئه‌يادو ئيمه‌يش له‌لايه‌ن خوه‌مانه‌و خوه‌شاڵيم وه‌ هاتنه‌وه‌ى هێزه‌يل پێشمه‌رگه‌ ئه‌را ئه‌و ناوچه‌يله‌و بايه‌سيشه‌ له‌بان حه‌شد شه‌عبى ناوچه‌گه‌ وه‌جێ بيلێد و بايه‌سه‌ له‌بان حكومه‌ت عراقييش ئى كيشه‌ چاره‌سه‌ر بكا.

YesIraq
}