2020-03-19 17:49:53

شه‌فه‌ق نيوز/ وه‌ڕيه‌وبه‌رايه‌تى ئاسايش هه‌وڵێر پايته‌خت هه‌رێم كوردستان، ئاشكراى ده‌سگيركردن سيخوڕيگ كرد پاسه‌وان وه‌زيريگ وه‌رين بويه‌ له‌ حكومه‌ت هه‌رێم.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ ئه‌را شه‌فه‌ق نيوز وت: رۆژگار محه‌مه‌د پاسه‌وان وه‌زير دارايى له‌ كابينه‌ى هه‌يشته‌م حكومه‌ت هه‌رێم له‌وه‌خت كاره‌ فه‌رميه‌گه‌ى له‌ژير سه‌رپه‌رشتى ده‌زگاى هه‌واڵگيرى كار كردگه‌ جوور سيخوڕ ئه‌را به‌رژه‌وه‌ندى لايه‌نيگ بيگانه‌ له‌بان حكومه‌ت هه‌رێم كوردستان.

 

به‌ياننامه‌گه‌ يه‌يش ده‌رخست و وت: دوياى ئه‌وه‌گ به‌ڵگه‌ى ئسپاتكه‌ر كه‌فته‌ وه‌رده‌س وه‌زير دارايى له‌بان كار ئه‌و سيخوڕه‌، وه‌ فه‌رمان دادوه‌ر ده‌سگير كريا و دگان وه‌ گشت كاره‌يلى سيخوڕيه‌گه‌ى نا و تەواو زانياريه‌يليگ كه‌فته‌ وه‌رده‌م دادوه‌ر په‌يجووريكه‌ر.

}