2019-01-30 08:06:00

شه‌فه‌ق نيوز/ واشنتۆن باس له‌وه‌ كرد ك وه‌زيره‌يل خارجيه‌ى هاوپه‌يمان ناوده‌وڵه‌تى دژ داعش له‌ 6 فبرايه‌ر له‌ پايته‌خت ئه‌مريكا گرده‌و بوون ئه‌را تاووتوێكردن هه‌وڵه‌يليان له‌وه‌ر له‌ناوبردن ريكخرياگ تيرۆريستى.

 

ئه‌و هاوپه‌يمانه‌ ك پيكهاتگه‌ له‌ 79 ئه‌ندام له‌وه‌ر تاووتوێكردن فراوانيگ له‌باره‌ى روناين داعش گرده‌و بوون و هه‌ر وه‌و خاتريشه‌ مايك په‌مپيۆ وه‌زير خارجيه‌ى ئه‌مريكا باس له‌ قۆناغ دويه‌م هه‌ڵمه‌ته‌يل دژ تيرۆر ئه‌كا له‌ عراق و سوريا ك دقه‌ت له‌بان زه‌مانه‌ گله‌و نه‌خواردن جاريگتر ئه‌و ريكخرياگه‌ تيرۆريستيه‌ ئه‌كا له‌ڕێ جيوه‌جيكردن سه‌قامگيرى و ده‌سميه‌ت ئه‌منى له‌ عراق و سوريا.

 

له‌لايگ تره‌و كۆنگرس ئه‌مريكى له‌ راپۆرتيگى له‌باره‌ى هه‌ڕه‌شه‌يل ك تويش وڵاته‌يل ئه‌مريكى بوونه‌و، دان كۆتس وه‌ڕيه‌وبه‌ر هه‌واڵگيرى نيشتمانى ئه‌مريكى وت: داعش هيمان هه‌زاران چه‌كدار له‌ عراق و سوريا ديرێد بيجگه‌ 8 لق و زياتر له‌ 12 تووڕ و هه‌زاران لايه‌نگر تر ك بڵاو بوينه‌سه‌و له‌ جه‌هان.

YesIraq