2019-05-12 08:57:21

شه‌فه‌ق نيوز/ ئداره‌ى ناوچه‌يى له‌ پاريزگاى واست ده‌سكرده‌ جيوه‌جيكردن 57 پرووژه‌ى خزمه‌تگوزارى ك وسياوێن له‌ كار، ئه‌ويش له‌ چوارچيوه‌ى بودجه‌ى په‌ره‌داين گشتى هه‌رێمه‌يل.

 

له‌و باوه‌ته‌و، محه‌مه‌د جه‌ميل مه‌ياحى پاريزگار واست له‌ لێدوانيگ رووژنامه‌گه‌رى وت: ئداره‌ى ناوچه‌بى بڕيار جموجويل گشت پرووژه‌يل وسياێ داگه‌ له‌ڕێ داوه‌تكردن گشت به‌ڵێنده‌ره‌يل و خاوه‌ن كۆمپانيايه‌يل ك ئاماده‌ بوون له‌ ديوان پاريزگا له‌وه‌ر خاتر تازه‌كردنه‌وه‌ى عه‌قد تايبه‌ت وه‌ پرووژه‌يليان.

 

پاريزگار واست هه‌ميش وت: ئداره‌ى پاريزگاگه‌ بڕياريش داگه‌ ده‌س بكريه‌ێده‌ ته‌واوكردن 57 پرووژه‌ى وسياێ ك له‌تى قيرتاوكردن جاده‌يل جياجيا له‌ قه‌زاى سوێره‌و عه‌زيزيه‌و نوعمانيه‌و حه‌ى ئه‌كريه‌ێد وه‌ بڕ 8 مليار دينار و خاسه‌وكردن پيه‌ڵ زوبێدى وه‌ بڕ 9 مليار و 133 مليۆن دينار و ئه‌نجامداين خزمه‌تگوزارى له‌ ناوچه‌يل تر جياجيا وه‌ بڕ 35 مليار دينار و چه‌نه‌ها پرووژه‌يل تر جياجيا.

YesIraq