2019-05-15 09:32:41

شه‌فه‌ق نيوز/ سه‌رچه‌وه‌يليگ نوێنه‌رايه‌تى ناو ديارترين ئه‌و كه‌سه‌يله‌ ئاشكرا كرد ك كانديد كريانه‌و خريانه‌سه‌ڕوێ ئه‌را وه‌رگرتن پۆست سه‌رۆك په‌رله‌مان عراق دوياى بڕيار ئاڵشتكردن محه‌مه‌د رێكان حه‌لبوسى له‌لايه‌ن هاوپه‌يمان ئه‌لمحوه‌ر نيشتمانى.

 

وه‌گووره‌ى ئه‌و سه‌رچه‌وه‌يله‌ ئه‌و كانديده‌يله‌ پيكهاتنه‌ له‌يانه‌: ئه‌حمه‌د عه‌بدوڵڵا جبورى"ابو مازن"- سه‌عدون دلێمى- ئوسامه‌ نوجێفى- عه‌لى سه‌جرى- محه‌مه‌د تميم- خالد عوبێدى- ره‌شيد عه‌زاوى- فه‌لاح حه‌سه‌ن زه‌يدان- موسه‌نا عه‌بدولسه‌مه‌د- ته‌لال زه‌وبه‌عى، ك گشت ئه‌يانه‌ ئه‌ندامن له‌ ئه‌نجومه‌ن نوێنه‌ره‌يل عراقى و ئاماژه‌ وه‌يه‌يش كرياگه‌ ئى ناوه‌يله‌ ئه‌خريه‌نه‌ وه‌رده‌م سه‌رۆك كوتله‌يل نوێنه‌رايه‌تى و دوياى ئه‌وه‌يش دانيشتنيگ ساز ئه‌كريه‌ێد ئه‌را لاوردن حه‌لبوسى و هه‌ڵوژانن سه‌رۆك تازه‌ ئه‌را په‌رله‌مان.

 

جى باسه‌، ئه‌و سه‌رچه‌وه‌يله‌ يه‌يش ده‌رخستن ك ميحوه‌ر نيشتمانى بڕيار كووتايى خوه‌ى داگه‌ ئه‌را ئاڵشتكردن حه‌لبوسى ك تاريفيشى وه‌ ئه‌وه‌ كردگه‌ توانى مه‌شق سياسى تاڕاده‌يگ له‌ده‌سداگه‌و تواناى ئداره‌كردن به‌رزترين ده‌سڵات ته‌شريعى له‌ وڵاته‌گه‌ نه‌يرێد.

YesIraq