گیرهاتگەیل رەفحا دەسکەنە مانگردن وچادر هەڵداین

Category: هــــه‌واڵ عــیراق

Date: 2020-06-14T13:50:49+0000
گیرهاتگەیل رەفحا دەسکەنە مانگردن وچادر هەڵداین

شەفەق نیوز/ دەیان كه‌س لە زیندانیه‌ سیاسیەگان ک ناسریاگن وە ( گیرهاتگەیل رەفحا)، ئمڕوو یەکشەممە، مانگردنیگ کراوە رێککخستن، و چادر هەڵدان لە باشوور عراق، جوور ناڕەزایەتییگ لەبان کەمەوکردن یا بڕین مووچەیلیان.
سەرچەوەیگ چەودێر ئەرا ئاژانس شەفەق نیوز وت؛ لە ناڕەزایەتی لەبان بڕین مووچەیلیان، مانگردن کراوەیگ ئەرا زیندانیە سیاسیەگان و گیرهاتگەیل رەفحا، ئمڕوو دەسکردەپی، لەوەردەم نووسینگەی ئەنجومەن نوێنەران لە پارێزگای موسەنا .
وتیش؛ ناڕەزایەگان دەسکردنە هەڵدان چادرەیل ومانگردن وەل بەرزکردن ئاڵای عڕاقی و تابلۆی داواکاری وە دەسکاری نەکردن شایستەیلیان ک وەگورەی یاسا دریاگە.
سەرچەوەگە ئاماژەدا ک ناڕەزایەگان ریە زوینەگە بڕین، ک هێشت فرە لەترێلەگان وەریز دریژیگ بووسن.
هەمیش دەیان كه‌س لە پارێزگای واسیت خۆپیشاندانیگ رێکخستن وەرانوەر ئەوەگ ناوینان؛ دەسکاری مافەیل زیندانیەگان ودەسوەسەرکریایل سیاسی وبڕین مووچەیلیان لالەین حکومەت.
موستەفا کازمی سەرۆک وەزیرەیل لە ٣٠ ئایار وەرین رینمادا وە رێکارەیل خاسەوکردن لە دوو مووچەیی خانەنشینەیل لە گیرهاتگەیل رەفحا، و دانیشتوەیل دەیشت عراق.

related