2019-05-03 11:00:07

شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل عراقى له‌ پاريس پايته‌خت فره‌نسا چه‌وى كه‌فته‌ گه‌ورا وه‌رپرسه‌يل و سه‌رۆك كۆمپانيايه‌يل فره‌نسى له‌وه‌ر تاووتويكردن ده‌رفه‌ت به‌شداريكردن و زيايكردن ئاماده‌بوينيان له‌ عراق و نمايشكردن نه‌خشه‌ى وه‌به‌رهاوردن فراوان له‌ بواره‌يل ئابوورى و نه‌فت و كاره‌باو پيشه‌سازى و جيوازكردن و په‌يوه‌نديه‌يل و ژيرخان ئابوورى و له‌گشت بواره‌يل و پاريزگايه‌يل عراقى.

 

ئه‌و ديداره‌يل شماره‌ى فريه‌يگ له‌ گه‌ورا كۆمپانيايه‌يل گرته‌و له‌وانه‌يش(توتاڵ- تاس- ئه‌بيستۆم- ئه‌ى دى پى- ئێرباس) ك گشت ئه‌و كۆمپانيايه‌يله‌ باس له‌ گرنگى فراوانكردن چالاكيه‌يل وه‌به‌رهاوردن كردن له‌ عراق له‌ساى سه‌قامگيريه‌ سياسى و ئابووريه‌گه‌و ده‌رفه‌ته‌يل گه‌ورا ك وجوود ديرێد ئه‌رايان له‌وه‌ر ركابه‌رى له‌ تايبه‌تمه‌نديه‌يل جياجيا.

 

جى باسه‌، زويتريش سه‌رۆك ئه‌نجومه‌ن وه‌زيره‌يل له‌ به‌رلين پايتخت ئه‌ڵمانياوه‌ له‌چوارچێوه‌ى گه‌شته‌ ئۆرپيه‌گه‌ى ره‌سيه‌ پاريس پايته‌خت فره‌نسا.

YesIraq