2020-03-07 07:48:41

شه‌فه‌ق نيوز/ سادق عه‌تيه‌ گه‌ردوونناس، پيشبينى ئه‌وه‌ كرد گه‌رده‌لويليگ خوه‌ڵ وارين و شه‌پۆليگ سه‌ردتر روێ له‌ ناوچه‌و شاره‌يل باشوور و خوه‌رئاواى عراق بكا.

 

عه‌تيه‌ له‌ لاپه‌ڕه‌ى خوه‌ى له‌ فه‌يسبوك وت: گه‌رده‌لويليگ فريه‌ى خوه‌ڵاوى روێ له‌ شاره‌يل فورات ناوڕاس ئه‌كاو دوير ئه‌گرێد له‌ خوه‌رئاواى وڵاته‌گه‌و ده‌ورگرد شاره‌يل باشووريش ئه‌گرێده‌وه‌و وه‌ل جموجويل هه‌واى نزم جموجويل ئه‌كا ك حاڵ حازر له‌ باكوور خوه‌رئاواى عراق جيگيره‌.

 

باس له‌وه‌يش كرد شه‌پۆليگ فريه‌تر خوه‌ڵاوى پيشبينى ئه‌كريه‌ێد له‌ ئيواره‌ى ئمڕوو له‌ ئه‌نبار وه‌ل ئاڵشتبوين هه‌وار وه‌ره‌و باكوور خوه‌رئاوا و روێ له‌ بياوانه‌يل باشوور ئه‌كاو ره‌سيده‌ ناوچه‌يليگ له‌ شاره‌يل فورات ناوڕاس و باشوور.

}