کۆڕۆنا گیان دوو پزشک عراقی سینێد

Category: هــــه‌واڵ عــیراق

Date: 2020-06-18T20:22:13+0000
کۆڕۆنا گیان دوو پزشک عراقی سینێد

شەفەق نیوز/ سێ بیمار وە ڤایڕۆس کۆڕۆنا ئمڕوو پەنجشەممە مردن ك دوو پزشک هاناویان.
سەرچەوەیگ پزشکی ئەرا ئاژانس شەفەق نیوز وت: یەکیگ لە تووشهاتگەیل ئمڕوو لەوەر خراوبوین تەندروسیەگەی لە کنارە چەپینەی قەزای شەرقات مرد ، ئەویش هالە سوپا لە فەرماندەی ئۆپراسیۆنەگان سامەرا. هه‌میش ئمڕوو لە وەختیگ وەرین ، قەزای شەرقات ٦ تووشهاتگ نوو وەڤایڕۆس کۆڕۆنا تۆمارکرد.
وەگشتی پارێزگای سەڵاحەدین زیاتر لە ١٥٠ تووشهاتن تۆمار کردگە وە ڤایڕۆس کۆڕۆنا، فرەیان لە سەردانەیل ودەزگا ئەمنی وحەشدە لە دەیشت پارێزگاگە، و زیاتر لە ٣٠ خاسەوبوی تا ئیسە دیاری کردگە، وئەوەکان هیمان هانە کەرنتین تەندروسی.
لەلای خوەییش فەرماندەی تەندروسی واسیت پرسە و سەرەخوەشی ئەرا مردن دکتۆر سەلمان نمر کرد دویای تووشهاتنی وە ڤایڕۆس کۆڕۆنا، و وەردەوامیی لەکارکردن لە هوڵەیل نەشتەرگەری ئەرا ساعەتەیل فرەیگ. ولەهەمان باوەت، دوکتۆر مەحمود عەفتان ئال جەندەل جەنابی هەمیش لەوەر تووشهاتنی وەڤایڕۆس کۆڕۆنا کۆچ دویایی کرد، لە باکوور بابل.

related