کۆڕۆنا لە دوو پارێزگا فره‌و بوود.. ئمڕوو ٤٢٢ تووشهاتن و ١٧ مرن

Category: هــــه‌واڵ عــیراق

Date: 2020-07-05T14:02:20+0000

شەفەق نیوز/ سەرچەوەیلیگ پزشکی لە زیقار ودیالە، ئمڕوو یەکشەممە، خەوەردان لە تۆمارکردن ٤٢٢ تووشهاتن نوو و ١٧ مردن وە ڤایرۆس کۆڕۆنا لە ماوەی ٢٤ ساعەت گوزەیشتە.
سەرچەوەیگ لە زیقار ئەرا ئاژانس شەفەق نیوز وت: فەرمانگەی تەندروسی پارێزگاگە، ئمڕوو ١٥ مردگ تۆمار کرد له‌ تووشهاتگەیل ڤایڕۆس کۆرۆنا. سەرچەوەگە دیاری کرد؛ فەرمانگەی تەندروسی زیقار، ئمڕوو، هەمیش ٣٥٧ تووشهاتگ نوو وە کۆڕۆنا تۆمار کرد.
لە دیالە، سەرچەوەیگ پزشکی ئەرا ئاژانس شەفەق نیوز وت: ئەنجام تاقیکردنەوەگان ٦٥ تووشهاتن نوو دەرخستن وە ڤایڕۆس کۆڕۆنا، وەگەرد دوو مردن لە ماوەی ٢٤ ساعەت گوزەیشتە، وئاماژەدا ک بڕ ژمارەی مردگەیل لە پارێزگاگە رەسیە ٩٨ کەس.
سەرچەوەگە ژمارە کەڵەکەگە گردەو کرد ئەرا تووشهاتگەیل دیالە وە ڤایڕۆس کۆرۆنا لە ٤ ئادار گوزەیشتە تا ئیسە وە ١٦٢٤ تووشهاتگ.