2015-05-21 19:08:59
ڕێكخراوه‌گه‌ ڕوژ یه‌كشه‌ممه‌ێ گوزه‌یشته‌ په‌لامار شار ڕومادی دا و په‌نج شه‌ممه‌یش شار ته‌دمور له‌ سوریه‌ داگیر كرد و یه‌یش كه‌موكوڕی توانایی سوپای عراق و بوردومانه‌ ئاسمانیه‌گان هاوپه‌یمانی ناوده‌وڵه‌تی وه‌سه‌روكایه‌تی ئه‌مریكا نیشاندا.

له‌ باوه‌ت سه‌ردانه‌گه‌ێ ئه‌ڕا موسكو ، سه‌ره‌ڕای تونده‌و بوێن قه‌یران ئه‌منی ، عبادی وتگه‌ : تواستگه‌ وه‌ی سه‌ردانه‌ گرنگی په‌یوه‌ندیه‌یل عراق وه‌ل ڕوسیه‌ به‌رجه‌سته‌ بكا ، هه‌رچه‌ن هێزێگ سیاسی ئاموژگاریی كردگه‌ سه‌ردانه‌گه‌ هه‌ڵوه‌شنێگه‌و.

سه‌روك ڕوسا‌ فلادیمێر بوتین له‌ سه‌ره‌تاێ گوفتوگوه‌یلێ وه‌ل عبادی له‌ كوشك كرملین وتگه‌ : ئیمنه‌ ئه‌خوازیم له‌ بوار ته‌كنه‌لوجی سه‌ربازی هاوكاریمان وه‌ل به‌غد وه‌رفراوانه‌و بكه‌یم و عراق وه‌ هاوبه‌شێگ كويه‌نه‌ێ ڕوسیا‌ له‌ ناوچه‌گه‌ وه‌سف كردگه‌.

زیاتر وتگه‌ : په‌یوه‌ندیمان وه‌ره‌و پیشكه‌فتن زیاتر ئه‌چێ و شه‌ریكه‌یلمان له‌ عراق كار ئه‌كه‌ن و ملیاردها دولار سه‌رمایه‌ گوزاری كردنه‌.

شه‌ریكه‌یل ڕوسی له‌ سه‌رده‌م ده‌سه‌ڵات سه‌دام حسین نه‌خش گه‌پێگ له‌ ئابووری عراق داشتن و مۆسكۆ وه‌توندی ناڕازی بوێ له‌ په‌لامار سه‌ربازی عراق له‌ لاێه‌ن ئه‌مریكاوه‌ له‌ ساڵ 2003 ك ده‌سه‌ڵات به‌عس ڕمان و قاپی نائه‌منی و پاشا گه‌ردانی له‌ عراق واز كرد.

وه‌زیر كاروبار خارجیه‌ێ ڕوسیه‌یش سرگه‌ێ لافروف په‌نج شه‌ممه‌ وت: وڵاته‌گه‌ێ گشت توانایی خوه‌ێ ئه‌گرێگه‌ كار تا هاوكاری عراق بكا له‌ جه‌نگ دژ وه‌ داعش ك له‌ێ هه‌فته‌ شار ڕومادی داگیركرد.

(عبادی)یش لاێ خوه‌یه‌وه‌ وتگه: هه‌ردولا خوازیار پێشخستن په‌یوه‌ندیه‌یل له‌ گشت بواره‌یلن له‌وانه‌یش هاوكاری سه‌ربازی و ئابووری و هه‌میش هاوكاری كردن له‌ كه‌رت نه‌فت و غاز.

له‌ سایه‌ێ ئه‌رزانه‌و بوێن قیمه‌ت نه‌فت له‌ بازاڕه‌یل جه‌هانی ، ڕوسیا ته‌قالا ئه‌كا په‌یوه‌ندی خوه‌ێ وه‌ل ڕێكخراو ئۆپك بته‌وه‌و بكا ك عراقیش ئه‌ندامێگ ئه‌و ڕێكخراوه‌سه‌.

 

YesIraq
}