2018-09-29 09:51:00

شه‌فه‌ق نيوز/ عراق له‌ ماوه‌ى دو مانگ، چوار كرده‌وه‌ى كوشتن ده‌رهه‌ق وه‌ كه‌سايه‌تيه‌يل ناسرياى ئافره‌ته‌يل وه‌ خوه‌يه‌و دێ، ك دويا كرده‌وه‌يان كوشتن مۆده‌كار تاره‌ فارس بوێ له‌ ناوچه‌ى كه‌مپ ساره‌ له‌ به‌غدا، ك يه‌يش وه‌ئاشكرا زاڵبوين ره‌وته‌يل تونڕه‌و ئايينى له‌بان ژيان عراقيه‌يل ده‌رئه‌خاو ده‌وڵه‌ت مه‌رگ وه‌شيوه‌ێ گه‌ورايگ له‌ عراق فراوانه‌و ئه‌دێ.

 

چه‌وديره‌يل باس له‌وه‌ ئه‌كه‌ن ئه‌و كرده‌وه‌يل كوشتنه‌ له‌ناوڕاس مانگ ئاب گوزه‌يشت ده‌س وه‌پيكرد، وه‌مردن ره‌فيف شازه‌رزاى جوانكارى له‌ بارودوخيگ ناديار، ك هه‌رچه‌نى ده‌سڵاته‌يل تايبه‌ت ليژنه‌يش ئه‌را زانستن هووكار ئه‌و روێداگه‌ دامه‌زرانن، وه‌لێ وه‌زاره‌ت ناوخوه‌يى عراقى هويچ هووكاريگ ئه‌و روێداگه‌يل بڵاو نه‌كرد و ژير وه‌ژير هه‌واڵه‌يليگ له‌ ده‌زگاى دادوه‌رى پزيشكى ئه‌وه‌ ده‌رخستن ك ياسرى وه‌ مادده‌ى زرنيخ ژه‌هراوى كرياگه‌.

 

جى باسه‌، هه‌فته‌يگيش دوياى ئه‌و روێداگه‌، ره‌شا ئه‌لحه‌سه‌ن شاره‌زاى جوانكارى ئه‌ويش وه‌ هه‌مان شيوه‌ له‌رێ ژه‌هراويكردن سه‌ختيگه‌و كوشيا، ك تائيسه‌يش وه‌زاره‌ت ناوخوه‌يى عراقى ئاشكراى ئه‌نجامه‌يل په‌يجوورى له‌و روێداگه‌يله‌ ئاشكرا نه‌كردگه‌، يه‌يش بيجگه‌ كوشيان ئافره‌ته‌يل تر چالاكوان له‌ به‌سره.‌

YesIraq