2019-01-19 07:58:00

شه‌فه‌ق نيوز/ ماوه‌ى چه‌ن رووژيگه‌ هيزه‌يل عراقى ده‌سكردنه‌سه‌ هه‌ڵمه‌تيگ ئه‌را داماڵين چه‌ك وه‌ده‌س هووزه‌يل شار عامريه‌ى فه‌لوجه‌ له‌ پاريزگاى ئه‌نبار له‌ خوه‌رئاواى عراق، يه‌يش له‌وه‌ختيگ سه‌ركرده‌يل ناوچه‌يى ئى گامه‌ ره‌ته‌و ئه‌كه‌ن و جوور كزه‌وكردن رۆڵ هووزه‌يل تاريفى ئه‌كه‌ن.

 

سه‌رچه‌وه‌يگ ئه‌منى ناوچه‌يى ئه‌را ئه‌لعه‌ره‌بى ئه‌لجديد وت: هيزيگ له‌ سوپا ئه‌را ماوه‌ى چه‌ن رووژيگه‌ ده‌سكرده‌سه‌ گه‌ردين و وشكانن فراوانيگ ئه‌را چه‌ك بى موڵه‌ت له‌ شار عامريه‌ى فه‌لوجه‌و بڕه‌ چه‌ك فريه‌يگ ده‌سوه‌سه‌ر كرياگه‌.

 

جى باسه‌، سه‌رچه‌وه‌گه‌ هه‌ميش وت: ئه‌و وشكاننه‌ دقه‌ت له‌بان داماڵين چه‌ك له‌ هووز ئه‌لبو عيسا كردگه‌ ك گه‌ورتين هووزه‌يله‌ له‌ شاره‌گه‌و ئاشكرايشى كرد ئه‌و هه‌ڵمه‌ته‌ سه‌ركردايه‌تى و ئه‌ندامه‌يليگيش له‌ حه‌شد عه‌شايرييش گرته‌سه‌و.

YesIraq