2019-12-10 08:35:24

شه‌فه‌ق نيوز/ ئى رويداگه‌يل دوياخره‌ له‌ مه‌يدانه‌يل خوه‌ينيشانداين و ده‌ورگرده‌ له‌يوا كرد شماره‌يگ له‌ چالاكوانه‌يل بڕفنريه‌ێد و بكوشيه‌ێد و بڵاو بكريه‌ێد له‌بان ماڵپه‌ڕه‌يل په‌يوه‌ندى كۆمه‌ڵايه‌تى له‌وه‌ر بڵاوكردنه‌وه‌ى داواكارى ئه‌را وه‌ناوچگن ناوچه‌ى سه‌وز له‌ به‌غداى پايته‌خت، وه‌لێ وه‌رانوه‌ر ئه‌وه‌يش چالاكوانه‌يل وشدارى دان له‌وه‌گ ئه‌و داواكاريه‌ شايه‌ت كه‌مينيگ بدێ ك ئامانج له‌لى كووتاييهاوردن وه‌ خوه‌ينيشانداينه‌يل ئاشتيانه‌ بدێ ك له‌ يه‌ك ئوكتۆبه‌ره‌و وه‌رده‌وامه‌ تائيسه‌.

 

يه‌يش له‌وه‌ختيگه‌ چالاكوانه‌يل مه‌ترسى له‌وه‌ ديرن چگن وه‌ناو ناوچه‌ى سه‌وڤ خوين فيشتريگ له‌لى بڕشيه‌ێد و ئاقبه‌تى خراوتر بدێ ك پڕه‌ له‌ باره‌گايه‌يل حكومى و شماره‌يل باڵيۆزخانه‌.

 

جى باسه‌، ئى رويداگه‌يليشه‌ دوياى چه‌ن رووژيگه‌ ك خوه‌ينيشانده‌ره‌يل له‌ به‌غداى پايته‌خت تويش په‌لاماره‌يليگ چه‌كداره‌يل نه‌ناسرياێ هاتن و له‌ ئه‌نجاميش 24 كه‌س وه‌لاى كه‌مه‌و كوشيان و زياتر له‌ 120 كه‌سيش زه‌خمدار بوين.

}