پۆلیسیگ هاناویان.. ١٧ مردن و ١٣٧ تووشهاتن نوو وە کۆڕۆنا لە سێ پارێزگا

Category: هــــه‌واڵ عــیراق

Date: 2020-06-24T12:30:26+0000
پۆلیسیگ هاناویان.. ١٧ مردن و ١٣٧ تووشهاتن نوو وە کۆڕۆنا لە سێ پارێزگا

شەفەق نیوز/ سەرچەوەیلیگ پزشکی، ئمڕوو چوارشەممە، خەوەردان لە مردن ١٧ تووشهاتگ کۆڕۆنا و تۆمارکردن ١٣٧ تووشهاتگ نوو وە پەتاگە لە سێ پارێزگا.
سەرچەوەیگ پزشکی ئەرا ئاژانس شەفەق نیوز وت: پارێزگای زیقار ١٦ مردن و ١٣٥ تووشهاتگ ڤایڕۆس کۆرۆنا تۆمار کرد.
لە کەرکوک، سەرچەوەیگ ئەمنی ئەرا ئاژانس شەفەق نیوز وت: عەقید مازن غەریب وەڕیەوبەر پۆلیس فریاکەفتن کەرکوک تووش ڤایڕۆس کۆڕۆنا هات، و وتیش؛ غەریب ئیسە هالە کەرەنتین ماڵی لە شار کەرکوک. سەرچەوەگە هەمیش وت: پیاو پیریگ لە تەمەن ٧٢ ساڵ ناوی حسەن کەریم عەبدوڵا وەڤایڕۆس کۆرۆنا مرد، و کەسە مردگەگە باوگ رۆژنامەنووسیگە لە ئێزگەی خۆجێیگ کارکەێد.
لە کەربەلا، سەرچەوەیگ پزشکی ئەرا ئاژانس شەفەق نیوز وت: دوو تووشهاتگ وەکۆڕۆنا تۆمار کریا ك لە عەتەبەی حسێنی كار كه‌ن.

related