پۆليس نه‌ينه‌وا جواو وه‌رپرسيگ داره‌و له‌باره‌ى رميان پاريزگاگه‌ هاوشيوه‌ى 2014

Category: هــــه‌واڵ عــیراق

Date: 2020-02-29T10:16:08+0000
پۆليس نه‌ينه‌وا جواو وه‌رپرسيگ داره‌و له‌باره‌ى رميان پاريزگاگه‌ هاوشيوه‌ى 2014

شه‌فه‌ق نيوز/ سه‌ركردايه‌تى پۆليس نه‌ينه‌وا، ره‌خنه‌ له‌ مه‌حما خه‌ليل قايمقام قه‌زاى شه‌نگاڵ گرت، له‌باره‌ى توانايى كه‌فتنه‌وه‌ى شكه‌ست ئه‌منى هاوشيوه‌ى ئه‌وه‌گ له‌ 2014 روێدا جوور ئه‌وه‌گ ريكخرياگ تيرۆرستى داعش سێكوتى خاك عراق و له‌وانه‌يش پاريزگاگه‌ داگير كرد.

سه‌ركردايه‌تيه‌گه‌ له‌ به‌ياننامه‌يگ وت: ئيچنه‌ لێدوانه‌يليگ راس نيه‌ ك قايمقام وه‌رين قه‌زاى شه‌نگاڵ باس له‌لى ئه‌كا، ئه‌وه‌گ له‌ لێدوانه‌گه‌ هاتگه‌ ئه‌وه‌سه‌ ك له‌باره‌ى ناوچه‌يل و ئاوايه‌يليگ ناحيه‌ى ئه‌لشمال(سنونى)و هويچ بنه‌مايگ له‌ڕاسى نه‌يرێد و نادروسه‌و بارودوخ له‌ساى هيزه‌يل ئه‌منى سه‌قامگيره‌و هويچ رويداگيگ تيرۆريستى تۆمار نه‌كرياگه‌ له‌وه‌ختيگه‌و ناوچه‌يل شه‌نگاڵ ئازاد كريانه‌.

به‌ياننامه‌گه‌ هه‌ميش وت: بنه‌ماى ئى لێدوانه‌يله‌و ئامانج له‌لى ئه‌وه‌سه‌ ئاژاوه‌و ئاشووگه‌رى تايفى دروس بكريه‌ێد له‌وه‌ر خاتر ده‌سكه‌فت شه‌خسى دوير له‌ خواست به‌رژه‌وه‌ندى گشتى هاوڵاتيه‌يل له‌ ناوچه‌گه‌.

جى باسه‌، يه‌يش له‌وه‌ختيگه‌ خه‌ليل رووژ جومعه‌ وشدارى دا حكومه‌ت عراقى و هيزه‌يل ئه‌منيه‌گه‌ێ، له‌ سيناريۆى تازه‌و هاوشيوه‌ى داگيركارى موسڵ له‌ساڵ 2014، ك له‌ ناوچه‌يل ئێزيديه‌يله‌و ده‌سوه‌پيكرد.

related