2019-04-07 07:13:00

شه‌فه‌ق نيوز/ وه‌ڕه‌يه‌وبه‌رايه‌تى پۆليس نه‌جه‌ف، به‌ياننامه‌يگ ده‌ركرد و له‌تى ئاشكراكردنيگ دا له‌باره‌ى ئه‌و كه‌س تاوانباره‌ ك قسه‌ى خراو وه‌ ئيمام موساى كازم كرد.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ ئه‌را شه‌فه‌ق نيوز وت: دوياى ئه‌وه‌گ ليوا عه‌لا غه‌ريب زوبێدى فه‌رمانده‌ى پۆليس نه‌جه‌ف فه‌رمان دا وه‌ڕيه‌وبه‌رايه‌تى دژه‌ تاوان نه‌جه‌ف و پاسه‌وانه‌يل تايبه‌تى ئه‌و تاوانباره‌ ده‌سگير بكه‌ن ك قسه‌ى خراو وه‌ ئيمام موساى كازم سڵام خودا له‌لى كردگه‌ وه‌ل به‌سانن چايخانه‌گه‌ێ وه‌گووره‌ى ياسا, گومان له‌وه‌ كرياگه‌ بڵاوكردنه‌وه‌ى ئه‌و گرته‌ ڤيديۆ كه‌سه‌يليگ هه‌ن له‌ شوون بڵاوكردنى.

 

به‌ياننامه‌گه‌ هه‌ميش وت: دوياى په‌يجوورى وه‌ل تاوانباره‌گه‌ ئه‌وه‌ ده‌ركه‌ف ك ئه‌و تومه‌تباره‌ مه‌سه‌له‌يگ مه‌ترسيداريگ ها پشتى و ئامانج له‌لى شيوانن فكرى جايه‌ڵ جوانه‌يله‌ و كيشاننيانه‌ ئه‌را كاركردن له‌ رزه‌يل ريكخرياگ داعش دوياى شووردن مه‌ژگه‌يليان و كاريگه‌رى له‌ نه‌ريت ئه‌خلاقييان و هه‌ر ئه‌وه‌يش له‌يوا كرد تيميگ ئه‌را لێكۆڵێنه‌وه‌ له‌ليان وه‌ سه‌رپه‌رشى خود فه‌رمانده‌ى پۆليس و عه‌قيد مافناسى رافع سه‌لمان ناسر وه‌ڕيه‌وبه‌ر دژه‌ تاوان و شماره‌يگ له‌ ئه‌فسه‌ر و كارمه‌نده‌يل دامه‌زريه‌ێد و دوياى گرتن سێ كه‌س تريش ئه‌وه‌ ده‌ركه‌فتگه‌ ك ئنتما وه‌ ريكخرياگ تيرۆريستى ديرن له‌ وه‌رجه‌ دوساڵ و پويل وه‌رگرتيان وه‌رانوه‌ر خراويكردن وه‌ كه‌سايه‌تيه‌يل ئايينى و مه‌يلكيشانن جايه‌ڵه‌يل و دروسكردن ئاژاوه‌ له‌ناو كۆمه‌ڵگا.

YesIraq