پۆليس له‌ دو په‌لامار داعش له‌ كه‌ركوك و سه‌ڵاحه‌دين قوربانى دا

Category: هــــه‌واڵ عــیراق

Date: 2020-05-16T10:38:32+0000
پۆليس له‌ دو په‌لامار داعش له‌ كه‌ركوك و سه‌ڵاحه‌دين قوربانى دا

شه‌فه‌ق نيوز/ سه‌رچه‌وه‌يگ  وه‌رپرس ئه‌منى و سه‌رچه‌وه‌يگيش ناوچه‌يى، ئاشكراى كوشيان و زه‌خمداربوين 3 كه‌س كردن له‌ پۆليس ناوه‌ندى له‌ئه‌نجام دو په‌لامار ك له‌لايه‌ن ريكخرياگ تيرۆريستى داعشه‌و ئه‌نجام دريا له‌ كه‌ركوك و سه‌ڵاحه‌دين.

له‌ى باوه‌ته‌و، سه‌رچه‌وه‌يگ ئه‌منى ئه‌را ئاژانس شه‌فه‌ق نيوز وت: چه‌كداره‌يليگ ك گومان ئه‌كريه‌ێد ل ريكخرياگ داعش بوون وه‌ چه‌ك بيده‌نگ په‌لامار خاڵيگ پۆليس دانه‌ له‌ ئاوايى يايجى له‌ باشوور كه‌ركوك و له‌تى مفه‌وه‌زيگ وه‌ناو ئه‌ركان محه‌مه‌د كوشياگه‌.

هه‌ر له‌ هه‌مان باوه‌ت، وه‌رپرسيگ ناوچه‌يى له‌ سه‌ڵاحه‌دين وت: له‌ ده‌ورگرد قه‌زاى دوجێل له‌ باشوور سه‌ڵاحه‌دين پۆليس له‌ په‌لاماريگ داعش كوشياگه‌و يه‌كيگيش زه‌خمدار بويه‌.

له‌ى باوه‌تيشه‌و، عه‌بدولعه‌زيز فزه‌ع محه‌مه‌د قايمقام دوجێل ئه‌را ئاژانس شه‌فه‌ق نيوز وت: چه‌كداره‌يليگ له‌ داعش په‌لامار خاڵيگ ئه‌منى دانه‌ له‌ ناوچه‌ى شێخ ئبراهيم له‌ باشوور دجێل و له‌و په‌لاماره‌ پۆليسيگ كوشياگه‌و يه‌كيگيش زه‌خمدار بويه‌.

related

له‌ دو په‌لامار داعش له‌ كه‌ركوك كوشيان و زه‌خمدار له‌لى كه‌فته‌وه‌

Date: 2020-05-20 09:07:54
له‌ دو په‌لامار داعش له‌ كه‌ركوك كوشيان و زه‌خمدار له‌لى كه‌فته‌وه‌