2019-09-09 18:50:07

شه‌فه‌ق نيوز/ سه‌رچه‌وه‌يگ ئاگادار، باس له‌وه‌ كرد پياويگ ئايينى شيعه‌ له‌لايه‌ن چه‌كداره‌يليگ نه‌ناسرياگه‌و له‌بان رێ ناونى به‌غدا و كه‌ربه‌لا كوشياگه‌.

 

سه‌رچه‌وه‌گه‌ ئه‌را شه‌فه‌ق نيوز وت: ئه‌و چه‌كداره‌يل نه‌ناسرياگه‌، موئه‌يد موسه‌وى خوتبه‌ده‌ر حسه‌ينى به‌غداى له‌بان رێ كه‌ربه‌لا - به‌غدا كوشتنه‌ دوياى ئه‌وه‌گ په‌يوه‌ندى درووكانى وه‌ليا ئه‌نجام دانه‌ ئه‌را سازكردن مه‌جڵسيگ حسه‌ينى له‌ناو باخه‌يل رێ كه‌ربه‌لا و به‌غدا.

 

سه‌رچه‌وه‌گه‌ وت: موسه‌وى هه‌ناى ك ره‌سيه‌سه‌ شوونيگ دوير له‌ مه‌ردم و يه‌كسه‌ره‌ له‌لايه‌ن ئه‌و چه‌كداره‌يله‌و وه‌ گوله‌ كوشياگه‌، ئاماژه‌ وه‌يه‌يش كرد موسه‌وى قوتابى دكتۆراس له‌ كۆليژ زانسته‌يل ئسلامى له‌ به‌ش زووان عه‌ره‌بى له‌ زانكۆى به‌غدا و له‌ساڵ 1985 زايينى هاته‌سه‌ دونيا و خاوه‌ن 4 مناڵه‌.

}