2019-05-08 09:05:58

شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكا به‌غدا وه‌جى هيشت دوياى سه‌ردانيگ نائاشكرا ئه‌را ماوه‌ى چوار سه‌عات ك له‌تى چه‌وێ كه‌فته‌ به‌رهه‌م ساڵح سه‌رۆك كۆمار و عادل عه‌بدولمه‌هدى سه‌رۆك وه‌زيره‌يل و وه‌رپرسه‌يل تر.

 

په‌مپيۆ ئه‌را رووژنامه‌نويسه‌يل دوياى چگنى له‌ به‌غداى پايته‌خت وت: خواستيم ئاگاداريان بكه‌يم له‌بان ئه‌و هه‌ڕه‌شه‌يله‌ فريه‌ ك خستيمنه‌يانه‌ وه‌رچه‌و تا بتويه‌نن زه‌مانه‌ت كاره‌يليان بكه‌ن له‌وانه‌گ بايه‌سه‌ ك مقه‌يه‌تى له‌ تيمه‌گه‌مان بكه‌ن.

 

په‌مپيۆ له‌وه‌خت هاتنيشى ئه‌را به‌غدا ئه‌را رووژنامه‌نويسه‌يل وت: واشنتۆن نگه‌ران بويه‌ له‌باره‌ى سه‌روه‌رى عراق دوياى زايبوين چالاكيه‌يل ئيران له‌تى و هه‌ميش وت: خواستم سه‌ردان به‌غدا بكه‌م و قسه‌ وه‌ل سه‌ركردايه‌تى له‌ورا بكه‌م و ته‌ئكيد ئه‌راى بكه‌م ك ئيمه‌ ئاماده‌يم ئه‌را وه‌رده‌وامى زه‌مانه‌تكردن سه‌روه‌رى و سه‌روه‌خوه‌يى عراق.

YesIraq