2018-09-25 05:29:00

شه‌فه‌ق نيوز/ نوسينگه‌ى ره‌سانن محه‌مه‌د ئقبال وه‌زير په‌روه‌رده‌ى عراق، مه‌سه‌له‌ى تويشهاتن وه‌زير وه‌ روێداگيگ هاتوچوو خسته‌ دروو.

 

نوسينيگه‌گه‌ له‌ به‌ياننامه‌يگ ك شه‌فه‌ق نيوز ئاگادارێ بوێ، وت: ئه‌و هه‌واڵه‌ ك بڕيگ له‌ ماڵپه‌ڕه‌يل په‌يوه‌ندێ كۆمه‌ڵايه‌تى بڵاويه‌و كردن له‌باره‌ى تويشهاتن كاروانه‌گه‌ى وه‌زير وه‌ روێداگيگ هاتوچوو دويره‌ له‌ڕاسى.

 

جى باسه‌، به‌ياننامه‌گه‌ داوايش كرد ك گشت هه‌واڵه‌يليگ وه‌ دقه‌ته‌و باس بكريه‌ێد و له‌ سه‌رچه‌وه‌يل فه‌رميه‌و وه‌ربگيريه‌ێد و جه‌ختيش له‌وه‌ كرد ك وه‌زير سه‌ڵامه‌ته‌و تويش هويچ رويداگيگ هاتوچوو ناگه‌و ئه‌و هه‌واڵه‌يله‌ ك ماڵپه‌ڕه‌يل په‌يوه‌نديه‌يل كۆمه‌ڵايه‌تى بڵايه‌و كردنه‌ هويچ بنه‌مايگ له‌ڕاسى نه‌يرێد.

YesIraq