2019-01-21 07:31:00

شه‌فه‌ق نيوز/ قوته‌يبه‌ جبورى سه‌رۆك ليژنه‌ى ته‌ندروستى نوێنه‌رايه‌تى, ئاشكراى داناين رينمايى ئه‌را دامه‌زرانن ده‌رچگه‌يل كۆليژ زانسته‌يل و جياكردنه‌وه‌ى وه‌زاره‌ت ژينگه‌ له‌ ته‌ندروستى كرد له‌چوارچێوه‌ى كارنامه‌يل ئه‌نجومه‌ن نوێنه‌ره‌يل ئه‌را ئه‌وه‌گ وه‌ى نزيكه‌يله‌ ده‌نگ له‌بانيان بدريه‌ێد.

 

له‌ى باوه‌ته‌و، نويسينگه‌ى ره‌سانن جبورى له‌ به‌ياننامه‌يگ وت: ليژنه‌گه‌ دانيشتنيگ ئه‌نجام داگه‌و له‌تى مه‌سه‌له‌ى ته‌واوكردن ياساى ره‌شنويس زه‌مان ته‌ندروستى تاووتوێ كرياگه‌ له‌وه‌ر ئه‌وه‌گ بخريه‌ێده‌ وه‌رده‌م ئه‌نجومه‌ن نوێنه‌ره‌يل ئه‌را خوه‌نينه‌وه‌ى يه‌كه‌م وه‌خاتر جيگيركردن ئى ياساى گرنگه‌.

 

جى باسه‌، به‌ياننامه‌گه‌ ئاماژه‌ وه‌يه‌يش كرد ك جه‌ختيش له‌ خواست ته‌واوكردن مه‌سه‌له‌ى جياكردنه‌وه‌ى وه‌زاره‌ت ژينگه‌ له‌ ته‌ندروستى كرياگه‌و ك وه‌گووره‌ى ئه‌وه‌ بڕيار ليژنه‌ى ته‌ندروستى و ژينگه‌يش له‌ هه‌فته‌ى گوزه‌يشته‌ وه‌رگيرياگه‌و ئه‌را جياكردنه‌وه‌ى هه‌ردوگيان له‌ يه‌كترى و به‌رزه‌و كرياگه‌ ئه‌را ده‌سه‌ى سه‌رۆكايه‌تى له‌وه‌ر ئه‌وه‌گ بخاده‌ى كارنامه‌ى دانيشتنه‌يل ئاينده‌ى ئه‌را ئه‌وه‌گ ده‌نگ له‌بانيان بدريه‌ێد.

YesIraq