2019-03-30 16:58:00

شه‌فه‌ق نيوز/ ليژنه‌ى ده‌سپاكى له‌ په‌رله‌مان عراق ئاشكراى ئه‌وه‌ كرد ك خوازياره‌ سێ بڕگه‌ى تر ك تاريفى وه‌ گرنگ كرد ئه‌را هه‌ردوگ ياساى هه‌ڵوژاردنه‌يل په‌رله‌مانى و ناوچه‌يى زياى بكا وه‌ ئامانج دويره‌وخستن و بيبه‌شكردنن حزبه‌يل گه‌ناته‌كار و كه‌سايه‌تيه‌يل سياسى و كانديده‌يليگ ك ره‌گه‌زنامه‌ى دووانه‌ ديرن.

 

له‌و باوه‌ته‌و، عاليه‌ نسه‌يف ئه‌ندام له‌ ليژنه‌گه‌ ئه‌را شه‌فه‌ق نيوز وت: ياسايه‌يل له‌ عراق دانريانه‌ وه‌گووره‌ى مه‌يل وخواست هيزه‌يل سياسى وه‌و جووره‌گ بگونجيه‌يد وه‌ل ئاره‌زووه‌يليان و ياسايش مادده‌يگ له‌تى نيه‌ بوشيد ئه‌ى حزب ئه‌يه‌ له‌ كوورا هاورديد، جوور ئه‌وه‌گ له‌ ياساى ده‌سه‌ى ده‌سپاكى كار وه‌پى ئه‌كريه‌ێد.

 

نسه‌يف وت ئه‌و بڕگه‌يله‌ ك هه‌وڵ زيايكردنيان ئه‌دريه‌ێد پيكهاتنه‌ له‌(ئه‌يه‌ له‌ كوورا هاورديد، په‌يوه‌سبوين ده‌ره‌كى، ره‌گه‌زنامه‌ى دويه‌م) ك كار له‌بانى ئه‌كه‌يم بخريه‌ێده‌ بان ياسايه‌يل هه‌ڵوژاردن وه‌تايبه‌ت ئه‌را هه‌ڵوژاردنه‌يل ئاينده‌ى په‌رله‌مانى و ناوچه‌يى.

YesIraq