2019-05-02 10:14:31

شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل، لێدوان يه‌كيگ له‌ شێخه‌يل عه‌شاير كوه‌يت ك له‌تى قسه‌ وه‌ ژنه‌يل به‌سره‌ كرد, وه‌ ئه‌وه‌ تاريف كرد ك گوزارشه‌ له‌ ره‌وشت و ئه‌خلاق خراوى.

 

نسه‌يف له‌ به‌ياننامه‌يگ وت: ئه‌و شێخه‌ ك ناسرياس وه‌ فه‌لاح بن جامع قسه‌ وه‌ ژنه‌يل به‌سره‌يى كردگه‌ ك ئى قسه‌ مه‌گه‌ر له‌ كه‌سيگ ده‌ربچوود قه‌يران ئه‌خلاقى و كه‌م ته‌ربيه‌ت و ئه‌گه‌ريش بويشيم زهايمه‌ر ديرێد ئه‌ى ئه‌راچه‌ رێ وه‌پيدان بچووده‌ بان سه‌كوو و له‌وه‌رچه‌و كامێرا قسه‌ وه‌ى جووره‌ وه‌ ژنه‌يل تاج سه‌رى بكا.

 

نسه‌يف هه‌ميش وت: ئيمه‌ ناخوايم خراوى وه‌ خراوى جواوه‌و بيه‌ێم و ئه‌خلاقمان رێ وه‌پيمان نايه‌ێد قسه‌ وه‌ ژنه‌ كوه‌يتيه‌يل خوه‌يشگمان بكه‌يم و جوور عراقى هساويان ئه‌كه‌يم، وه‌لێ ته‌نيا جواو ئه‌و بى ره‌وشته‌ ئه‌يه‌يمه‌وه‌و وه‌پى ئويشم: كه‌وش ژنه‌يل عراقى له‌ تن ئه‌شره‌ف تره‌و مه‌ردم به‌سره‌يش تاج بان سه‌رده‌.

YesIraq
}