2019-05-01 09:50:32

شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل عراقى، سه‌رسوڕمه‌نين خوه‌ى ده‌رخست له‌وه‌گ وه‌زير كاره‌با ياداشتيگ هاوكارى هاوبه‌ش وه‌ل خوه‌يا ئمزا كردگه‌ له‌وه‌خت ئمزاكردن ياداشتيگ له‌ناونى وه‌زاره‌ته‌گه‌ێ و په‌يمانگاى عراق ئه‌را وزه‌ له‌ بريتانيا ك وه‌زيره‌گه‌ وه‌رجه‌ وه‌رگرتن پۆسته‌گه‌ى دايمه‌زرانگه‌ وه‌ ماوه‌ى فريه‌يگ و داوايش له‌ لايه‌نه‌يل چاودێرى په‌يوه‌نديدار كرد ناوه‌ڕووك ئى باوه‌ته‌ ده‌ربخه‌ن.

 

نسه‌يف له‌ به‌يانننامه‌يگ وت: وه‌زاره‌ت كاره‌با وه‌ك نوێنه‌ر ده‌زگايگ مه‌شق و توێژنه‌وه‌ى وزه‌سه‌و ياداشتيگ هاوبه‌ش وه‌ل وه‌ناو په‌يمانگاى عراق ئه‌را وزه‌ له‌ رووژ په‌نجشه‌ممه‌ 25/ 4/ 2019 ئمزا كردگه‌و ئى گاميشه‌ بڕيگ ره‌خنه‌ له‌ چالاكوانه‌يل و نويسه‌ره‌يله‌و له‌خوه‌ى گرت ك له‌تى جه‌خت له‌وه‌ كردنه‌ لوئه‌ى خه‌تيب وه‌زير وه‌زاره‌ته‌گه‌ ك ره‌گه‌زنامه‌ى بريتانى ديرێد خوه‌ى ئى په‌يمانگا دامه‌زرانگه‌ وه‌رجه‌ ئه‌وه‌گ پۆست وه‌زير وه‌ربگرێد.

 

به‌ياننامه‌گه‌ يه‌يش ده‌رخست ك له‌ى باوه‌ته‌و قسه‌ كرياگه‌ وه‌رجه‌ دو مانگ و هووكاره‌يل ئى مه‌سه‌له‌يشه‌ ئاشكرا كرياگه‌و شوون ئه‌و په‌يمانگايش ها له‌نده‌ن پايه‌خت بريتانياو خواست ئه‌وه‌سه‌ لايه‌نه‌يل چاودێر ئى مه‌سه‌له‌ ده‌ربخه‌ن ك ئايا ره‌زامه‌نييگ ئسووڵى له‌ى باوه‌ته‌و هه‌س له‌لايه‌ن ئه‌نجومه‌ن وه‌زيريل له‌بان ئمزاكردن ئى ياداشته‌ وه‌ل ئه‌و په‌يمانگا.

YesIraq