2019-02-14 08:04:00

شه‌فه‌ق نيوز/ عاليه‌ نسه‌يف داوا له‌ سه‌رۆك وه‌زيره‌يل و ده‌سه‌ێ ده‌سپاكى و لايه‌نه‌يل چاوديريكه‌ر كرد دقه‌ت راسيه‌يل ئه‌و زانياريه‌يله‌ بكه‌ن له‌باره‌ى هه‌وڵ لايه‌نه‌يليگ له‌ وه‌زاره‌ت كاره‌با ئه‌را ئه‌وه‌گ كۆمپانياى سيمنس ئه‌ڵمانى قه‌بول بكا كومپانياى ئۆراسكۆم جوور جيوه‌جيكاريگ سانه‌وێ باێد له‌وه‌ر په‌ره‌داين وه‌ كاره‌بار له‌ عراق.

 

نسه‌يف له‌ به‌ياننامه‌يگ وت: زانيار هه‌س له‌باره‌ى ئه‌وه‌گ(ل . خ) له‌ وه‌زاره‌ت كاره‌با ئاگادار كۆمپانياى سمنس ئه‌ڵمانى كردگه‌ له‌ڕێ راوێژكاريه‌گه‌و وه‌ ئه‌وه‌گ هه‌ر وه‌ختيگ بخوازن وه‌رده‌وام بوون له‌ ريككه‌فتنيان وده‌س بكه‌نه‌ نه‌خشه‌ڕێ ئه‌را په‌ره‌داين تووڕ كاره‌با له‌ عراق و به‌رهه‌مهاوردن و دابه‌شكردنى، ك بايه‌سه‌ وه‌ل كۆمپانياى ئۆراسكۆم ريكبكه‌فن و گشت كاره‌يليگ وه‌پى راسپه‌ريه‌ێد ك درياسه‌ سيمنس، ك ئه‌گه‌ر ئه‌و كاره‌ نه‌كه‌ن و مقاولات نه‌يه‌نه‌ ئه‌و كۆمپانيا ئه‌وه‌ وه‌زاره‌ته‌گه‌ هويچ ريككه‌فتنيگ وه‌ل سيمنس ئمزا ناكاو كومپانيايه‌يل تر ئه‌يه‌رێد ئه‌را ئه‌نجامداينى.

 

نسه‌يف هه‌ميش وت: وه‌گووره‌ى زانياريمان ئه‌وه‌ ده‌ركه‌فتگه‌ ك كۆمپانياى سيمنس كتاويگ تون زووانى ئه‌را وه‌زاره‌ت كاره‌با كلكردگه‌و له‌تى وتگه‌: نه‌بايه‌د كۆمپانياى زه‌عيف له‌بانمان فه‌رز بكه‌ين ئه‌را ته‌واوكردن كاره‌يليمان و ئيمه‌ ئاماده‌يم راسه‌وخۆ وه‌بى هويچ واسته‌يگ كاره‌يلمان ته‌واو بكه‌يم، ك ئه‌گه‌ر ئيوه‌يش متمانه‌ وه‌ كۆمپانياى ئۆراسكۆم ديرين ئه‌وه‌ ئيمه‌ ئاماده‌يم يه‌كسه‌ر خوه‌مان بكيشيمنه‌و ئه‌تويه‌نين ئه‌و كاره‌ وه‌پى بسپارين و ئيمه‌يش وه‌رگه‌ێ هويچ وه‌رپرسياريه‌تييگ ناگريم.

YesIraq
}